Franak Viačorka: Pratasievič złamany, jon pad kantrolem i nie moža vyjechać ź Biełarusi
Daradca Śviatłany Cichanoŭskaj daŭ intervju łatvijskamu ruskamoŭnamu jutub-kanału «I hrianuł Hrem». Siarod inšaha jon zakranuŭ spravu Ramana Pratasieviča.
Jak adznačyŭ Franak Viačorka, dla jaho Raman Pratasievič zjaŭlajecca niehatyŭnym hierojem, bo jon pajšoŭ na ździełku z režymam.
«My bačylisia ź im za paru dzion da hetaha rejsa Ryanair. Zrazumieła, jon byŭ zachopleny, Pratasieviča łamali. Nie viedaju, čym jaho zapužvali. Chiba što jon pajšoŭ na supracoŭnictva dziela taho, kab psichałahična, fizična vyžyć».
Viačorka nahadvaje, što Pratasievič «daŭ usiu infarmacyju pra ŭsich, chto ŭdzielničaŭ u arhanizacyi pratestaŭ, dzialiŭsia infarmacyjaj».
«Nakolki my viedajem, šmat ludziej patrapili ŭ turmy. Jon mieŭ dostup da čat-botaŭ, kudy ŭ čas pratestaŭ 2020 hoda ludzi dasyłali infarmacyju. I toje, što adbyłosia, vializnaja trahiedyja».
Stanovišča, u jakim ciapier znachodzicca Pratasievič, Franak Viačorka charaktaryzuje nastupnym čynam:
«Ciapier jamu dali takuju na pałovu svabodu. Zdarajecca, jon vychodzić anłajn. Vidać, što čałaviek złamany, što pad kantrolem. Vidać, što nie moža vyjechać ź Biełarusi. Jon sprabuje hulać hetuju svaju rolu. U jaho chiba što vypracoŭvajecca taki stakholmski sindrom. U takoj situacyi ty sprabuješ apraŭdvać svaje pavodziny. Dumać, što tak treba było — kajacca pierad režymam, pierad Łukašenkam, što nie ŭsio jon drennaje rabiŭ, što ja sam vinavaty».
Viačorka zaŭvažaje, što vialikaj dylemaj zjaŭlajecca pytańnie, jak adnosicca da takich učynkaŭ. «Asabista ja emacyjna nie mahu heta pryniać. Kali pahladzieć racyjanalna, to my nie viedajem, jak by kožny z nas pavioŭ siabie ŭ padobnaj situacyi. Kali ty traplaješ u kamieru KDB, dzie ciabie katujuć, pahražajuć zabojstvam, i što ty budzieš rabić. Treba ratavać svajo žyćcio ci da kanca hulać maralnaha pryncypovaha čałavieka».
Čytajcie jašče:
Pratasievič: Ja liču, što mnie pašancavała. Ja vybudavaŭ pravilnuju taktyku
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary