Tryjatłanistcy Zielankievič dali dva hady «chatniaj chimii» za ŭdzieł u pratestach u 2020 hodzie
Jak stała viadoma «Trybunie», sud daŭ dva hady «chatniaj chimii» (abmiežavańnia svabody biez nakiravańnia ŭ papraŭčuju ŭstanovu) tryjatłanistcy Valancinie Zielankievič. Pa źviestkach vydańnia, prysud źviazany z udziełam Zielankievič u mirnych pratestach u 2020-m.
Zielankievič u kancy žniŭnia 2020-ha nie praciahnuli kantrakt u minskim kłubie tryjatłona «Trystajł». Jak kazała spartsmienka, dyrektar kłuba Dźmitryj Taŭkačoŭ abiacaŭ joj pradoŭžyć supracoŭnictva, adnak admoviŭsia ad jaho paśla taho, jak ubačyŭ «pratesny» post Zielankievič u instahramie z fota, na jakim jana stajała ź bieł-čyrvona-biełym ściaham na prajeznaj častcy padčas adnaho ź mirnych mitynhaŭ.
Vosieńniu 2020-ha Zielankievič pierajechała ŭ Rasiju, dzie praciahvała treniravacca, a taksama pracavała trenieram pa tryjatłonie i płavańni. Pa infarmacyi «Trybuny», niekatory čas nazad Zielankievič viarnułasia ŭ Biełaruś, a nieŭzabavie paśla hetaha była zatrymanaja i zastavałasia za kratami da niadaŭniaha suda. Data suda nie nazyvajecca.
Kamientary