Kiraŭnik kampanii SpaceX, najbahaciejšy čałaviek u śviecie Iłan Mask zajaviŭ, što pieršaja vysadka ludziej na Marsie moža adbycca ŭžo praź piać—siem hadoŭ. Bieśpiłotnaja ž pasadka na Čyrvonuju płanietu, na jaho dumku, moža adbycca jašče na niekalki hadoŭ raniej.
Takim čynam Mask prakamientavaŭ vystupleńnie kiraŭnika NASA, jaki acaniŭ terminy značna bolš aściarožna. Pavodle jaho słoŭ, piłatavanaja ekśpiedycyja na Mars moža stać realnaściu tolki praz 10—15 hadoŭ paśla mierkavanaj vysadki astranaŭtaŭ na Miesiac, zapłanavanaj na 2028 hod.
U NASA ličać, što pierad palotam na Mars nieabchodna raspracavać i vyprabavać novyja technałohii, u tym liku ruchaviki na jadziernaj enierhii, što zapatrabuje dadatkovaha času. Iłan Mask, naadvarot, upeŭnieny, što raźvićcio kaśmičnych technałohij dazvolić čałaviectvu dabracca da Marsa značna chutčej.
Prahnoz Maska adpaviadaje płanam SpaceX adnosna prahramy Starship. Pavodle ich, pieršyja bieśpiłotnyja hruzavyja misii da Marsa mohuć pačacca nie raniej za 2028 hod.
Niadaŭna taksama byli apublikavanyja kadry, zroblenyja bieśpiłotnikam paśla vyprabavalnaha palotu kaśmičnaha karabla Starship IFT-13, jaki adbyŭsia 24 lipienia 2026 hoda.
Stvaralnik «Zornych vojnaŭ» rychtuje da adkryćcia svoj futurystyčny muziej koštam miljard dalaraŭ FOTY
Rakieta Blue Origin, što vybuchnuła padčas vyprabavańniaŭ, stavić pad sumnieńnie płany NASA viarnucca na Miesiac
NASA płanuje da 2032 hoda raźviarnuć na Miesiacy žyłuju stancyju
Mask pierastaŭ być tryljanieram
Ciapier čytajuć
Siarhiej Cichanoŭski zapuściŭ svoj jutub-kanał ź vieršami i kazkami72
Kamientary