U Pieru ziemlatrus mahnitudaj 5,1, jaki adbyŭsia 18 lipienia, surjozna paškodziŭ kaścioł Śviatoha Apostała Jakuba (Iglesia del Apóstol Santiago) u horadzie Čonhas-Bacha. Heta adzin z najstarejšych chryścijanskich chramaŭ u Pieruanskich Andach, pabudavany ŭ XVI stahodździ na zahad ispanskaha vice-karala Fransiska de Taleda. Budynak maje status abjekta kulturnaj spadčyny Pieru, piša The Art Newspaper.
U vyniku stychii abvaliłasia bolšaja častka dachu i častka hałoŭnaha fasada. Acalełyja kanstrukcyi pryznanyja niebiaśpiečnymi dla ekspłuatacyi. Chram byŭ uźviedzieny z samanu — budaŭničaha materyjału z hliny, sałomy i piasku — i nakryty čarapičnym dacham.
Taksama paciarpieła 30‑mietrovaja zvanica, jakoj ciapier pahražaje abvał. Jaje ŭ svoj čas uźviali z cehły i cemientu zamiest pieršapačatkovaj samannaj viežy, razburanaj padčas adnaho z papiarednich ziemlatrusaŭ.
Paškodžańni atrymali i draŭlanyja, i kamiennyja ałtary sa staradaŭnimi relihijnymi vyjavami. Kab tolki zamianić dach, spatrebicca bolš za 400 tysiač dalaraŭ.
Adnaŭleńnie pomnika moža ŭskładnicca praź niavyznačanaść u śfiery kulturnaj palityki novaj administracyi prezidentki Kiejka Fuchimory, jakaja pačynaje pracu 28 lipienia. Pakul supracoŭniki Ministerstva kultury Pieru razam z vałanciorami i studentami rasčyščajuć zavały i pieravoziać relihijnyja relikvii ŭ biaśpiečnyja miescy.
Kaścioł źmiaščaje kala 300 čałaviek i maje vialikaje duchoŭnaje, kulturnaje i turystyčnaje značeńnie. Jon pryciahvaje pałomnikaŭ z roznych rehijonaŭ krainy i adyhryvaje važnuju rolu ŭ žyćci miascovaj supolnaści.
Parafijalny śviatar Rykarda Ačaran užo raspačaŭ kampaniju pa zbory achviaravańniaŭ praz archidyjaceziju Uankajo, kab znajści srodki na adnaŭleńnie histaryčnaha chrama.
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im7
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski1010
Kamientary