Pjany biełaruski dalnabojščyk jechaŭ pa niamieckim aŭtabanie zadnim chodam. Ale pryciahnuŭ uvahu jon nie tolki hetym
U Hiermanii za pjanuju jazdu zatrymali biełarusa-dalnabojščyka. Ciapier jon biez pracy i ź vielizarnaj sumaj naniesienaj škody mašynam «Tiesła», jakija jon pieravoziŭ, piša telehram-kanał «Vadzicieli Polščy».
36-hadovy biełarus-dalnabojščyk jechaŭ aŭtavozam pa niamieckim aŭtabanie i prapuściŭ zjezd na parkinh. Jon spyniŭsia na aŭtastradzie, uklučyŭ zadniuju pieradaču i, sa słoŭ vidavočcaŭ, i prosta pajechaŭ pa aŭtabanie zadam. Pryčep niekalki razoŭ załomvaŭsia, pieraharodžvajučy susiedniuju pałasu, što stvarała avaryjnyja situacyi i prymusiła niekalkich kiroŭcaŭ ekstranna tarmazić.
Paśla hetaha manieŭru kiroŭca hruzavika parkavaŭsia zadnim chodam na parkinhu. I tut jon pryciahnuŭ uvahu svaim kiravańniem: začapiŭ zadniaj častkaj svajho hruzavika vuličny lichtar i paškodziŭ jaho. Taksama byli paškodžanyja dva novyja aŭtamabili «Tesła», zahružanyja ŭ pryčep.
Test na ŭtrymańnie ałkaholu, jaki zrabili vyklikanyja palicejskija, pakazaŭ uzrovień bolš za 1,6 pramile.
Palicyjanty kanfiskavali jaho vadzicielskaje paśviedčańnie na miescy.
Ahulnaja suma škody skłała bolš za 30 000 jeŭra.
Ciapier čytajuć
Azaraŭ zakryŭ płan «Pieramoha» i pieravioŭ usich udzielnikaŭ u rezierv11
Azaraŭ zakryŭ płan «Pieramoha» i pieravioŭ usich udzielnikaŭ u rezierv
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie2828
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie28
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1010
Kamientary