Departamient dziaržbiaśpieki Litvy nie znajšoŭ hrup lićvinistaŭ, jakija pahražajuć biaśpiecy krainie
Śpiecsłužba taksama adreahavała na sproby «zavierbavać za hrošy litoŭcaŭ», što robiacca ŭ sacsietkach.
U Litvie «niama arhanizavanych hrup, jakija prapahandujuć ideałohiju lićvinizmu», jakija mahli b «ujaŭlać pahrozu niezaležnaści, kanstytucyjnamu ładu i terytaryjalnaj cełasnaści krainy», zajaŭlaje Departamient dziaržaŭnaj biaśpieki (DDB), paviedamlaje «Pozirk».
Z adpaviednaj zajavaj DDB vystupiŭ u suviazi z «pavieličeńniem u apošnija tydni kolkaści elektronnych listoŭ, jakija rassyłajucca litoŭskim palitykam i hramadskim dziejačam, z pahrozami ad hrup, nibyta prapahandujuć ideałohiju lićvinizmu».
Śpiecsłužba taksama adreahavała na raspačatyja ŭ sacsietkach sproby «zavierbavać litoŭcaŭ dla napisańnia łozunhaŭ hetaj ideałohii ŭ hramadskich miescach za hrašovuju ŭznaharodu». Na dumku DDB, takaja dziejnaść adpaviadaje asablivaściam psicha-infarmacyjnych apieracyj, arhanizavanych varožymi Litvie dziaržavami i nakiravanych na stvareńnie paniki ŭ hramadstvie krainy».
«Pad vyhladam lićvinizmu taksama robiacca sproby dyskredytavać demakratyčnuju apazicyju ŭ Biełarusi i vyklikać varožaść litoŭskich hramadzian da biełarusaŭ, jakija pražyvajuć u krainie», — źviarnuła ŭvahu viedamstva. Adznačana, što ŭ Departamiencie «adsočvajuć pracesy, jakija adbyvajucca ŭ novaj biełaruskaj dyjaspary ŭ Litvie, z metaj vyjaŭleńnia i praduchileńnia ryzyk i pahroz nacbiaśpieki».
Na pačatak 2024 hoda, pa danych Departamienta mihracyi MUS, u Litvie pražyvała 62 165 hramadzian Biełarusi. Biełarusy byli druhoj pa kolkaści hrupaj zamiežnikaŭ, jakija pražyvajuć u Litvie, paśla ŭkraincaŭ. Letaś u krainu z metaj pražyvańnia prybyło 15 tys. 817 čałaviek, ź jakich 150 — hramadzianie Litvy.
Pry hetym «u suviazi z uzrosłaj pahrozaj, jakuju režymy Rasiei i Biełarusi praciahvali pradstaŭlać dla Litvy», u 2023 hodzie litoŭskimi ŭładami «pravodzilisia roznyja metavyja mierapryjemstvy pa kantroli nad hramadzianami hetych krain».
Vyniki apošniaha apytańnia pakazali, što litoŭcy prychilna staviacca da biełarusaŭ
«Chaču zrabić Paźniaka piersonaj non-hrata» — litoŭski aktyvist
Cichanoŭskaja vystupiła ŭ litoŭskim Siejmie pa pytańniach DNŽ i «lićvinizmu»
Prablema «lićvinizmu» nie moža stać palityčnaj, bo biełarusam nie ciesna ŭ miežach svajoj krainy — historyk Paškievič
Ciapier čytajuć
Papularnuju tyktokierku z Łuninca, jakaja ratavała biazdomnych žyviolinaŭ, asudzili za palityku1
Papularnuju tyktokierku z Łuninca, jakaja ratavała biazdomnych žyviolinaŭ, asudzili za palityku
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3030
Kamientary