Na stancyjach techahladu pačali afarmlać dazvoły dla aŭto na try hady
Jašče 25 sakavika aŭtamabilisty paviedamlali, što techahlad na try hady nidzie nie staviać. Siońnia ž, 26 sakavika, «Biełtechahlad» paviedamiŭ, što na dyjahnastyčnych stancyjach Biełarusi pačali vydavać dazvoły na dopusk transpartnaha srodku da ŭdziełu ŭ darožnym ruchu ŭ ramkach Ukaza ad 16 lutaha №55.
Termin dziejańnia dazvołu dla lehkavych aŭtamabilaŭ, z hoda vypusku jakich prajšło mienš za 3 hady (uklučajučy hod vypusku), składaje try hady.
Dakumienty dla atrymańnia dazvołu: zajava; techpašpart (za vyklučeńniem vypadku rehistracyi transpartnaha srodku paśla 1 studzienia 2008 h.); dakumient, jaki paćviardžaje ŭniasieńnie płaty.
Pad «techahlad na try hady» nie padpaduć aŭtamabili 2021 hoda vypusku. Na try hady mohuć atrymać dazvoły aŭtamabili 2022-2024 hadoŭ vypusku. Uličvajecca hod vypusku, biez pryviazki da miesiaca.
Kamientary