U Hrodnie pradajuć hruzavičok z HDR, jaki vyhladaje jak cacka
U Hrodnie na prodaž vystavili redki samazvał IFA «Multykar 25» 1984 hoda. Hruzavičok-cacka rodam z HDR moža pieravozić vahu da 3 ton. Hrodzieniec, jakomu jon zaraz naležyć, całkam pierabraŭ i adnaviŭ retra-hruzavik da stanu novaha, piša Hrodna Life.
Prabieh u 40-hadovaha aŭto — zusim nievialiki, usiaho 35,8 tys. km. Padrychtavanaja masa mašyny (z kiroŭcam, ale biez hruzu) — 1750 kh. Na samazvale ŭstalavany dyzielny ruchavik «Mersedes» OM 616, abjomam 2/4 ł. Heta dazvalaje mašynie razhaniacca da 70 km/h zamiest zavadskich 60 km/h.
Samazvał z HDR, adnoŭleny ŭ Hrodnie. Krynica: «Kufar»
Ciapier mašyna vystaŭlenaja na prodaž. Cana — 25 563 rubloŭ ($ 7 900).
Hruzavik-lehienda z HDR
Z usich aŭtamabilnych kampanij HDR, Multicar, zasnavanaja ŭ 1920 hodzie — adzinaja, jakaja praciahvaje svaju dziejnaść i dahetul paśla abjadnańnia Niamieččyny. Madel, vystaŭlenaja na prodaž, — samaja masavaja za ŭvieś čas isnavańnia zavoda. Jaje vypuskali z 1978 da 1992 hoda. U SSSR było pastaŭlena kala 20 000 adzinak hetaj madeli. Ciapier u Biełarusi mašyna sustrakajecca redka, asabliva ŭ pracoŭnym stanie.
Hrodzieniec Siarhiej, jaki nabyŭ retrahruzavik dla pracy na vioscy, adnaviŭ jaho paśla 10 hadoŭ prastoju, piša NewGrodno. Jon całkam pierabraŭ padviesku, adpieskastruiŭ i pafarbavaŭ ramu, adnaviŭ kuzaŭ samazvała, pafarbavaŭ kabinu i pierašyŭ sałon. Taksama jon zamianiŭ u mašynie optyku — jana ad UAZa.
Samazvał z HDR, adnoŭleny ŭ Hrodnie. Krynica: NewGrodno
«Multykar», choć i vielmi manieŭrany, vałodaje ŭsimi charaktarystykami paŭnavartasnaha hruzavoha aŭtamabila. Dla kiravańnia im spatrebicca paśviedčańnie kiroŭcy katehoryi «C».
«Žonka, viadoma, nie ŭ zachapleńni». Bieraściejec kupiŭ saviecki ŁAZ-699R za tysiaču dalaraŭ, a ŭkłaŭ užo 10 tysiač
Biełarus zrabiŭ samy chutki dyzielny BMW
«Reštu doŭhu tak i nie viarnuli». Ci varta pradavać mašynu svajakam ci siabram?
«Całkam adnoŭleny aryhinalnymi zapčastkami, jakija staranna źbiralisia pa ŭsim śviecie». Jakija retraaŭtamabili možna kupić u Biełarusi?
Ciapier čytajuć
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam23
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie33
Kamientary
🚚 Akukišeć, kaniešnie! Na paraŭnalna vializnaj «Hazeli» možna pieravozić u siarednim paŭtary tony, to bok amal u dva razy mieniej, čym na hetym małym. I ja čuŭ nia raz, što łamalisia «Hazelki», tryščeli lasorami ad taho, što šófier chacieŭ zarobić bolej i dazvalaŭ suvać u budku šmat ciažkoha dabroćcia.
🦽 Dy j amal raŭnia «Multykaru» «Chionde Portar» biez sumnievu adkinie kańki, to bok koły, ad troch tonaŭ hruzu. Takim čynam tutaka, što niemcu dobra, to rasiejcu j karejcu śmierć.