Palitviazień Žamčužny raskazaŭ, jak jaho sprabavali atrucić u ŠIZA ŭ kałonii ŭ Horkach
Były palitviazień Michaił Žamčužny ŭ vypusku TOK raskazaŭ, jak zrazumieŭ, što jaho sprabujuć atrucić u ŠIZA, i jak z hetym zmahaŭsia.
Michaił Žamčužny zhadvaje, što sproba atrucić jaho i inšych asudžanych była, kali jaho tolki pieraviali ŭ štrafny izalatar kałonii №9 u Horkach.
«Adnojčy pry pryjomie ježy ja adčuŭ mocny prysmak ščołačy. (…) Pry kantakcie ščołačy z kisłotnym straŭnikavym sokam adbyvajecca reakcyja niejtralizacyi z vydzialeńniem vialikaj kolkaści hazaŭ. I ježa nie pieravarvajecca, a pačynaje hniści», — tłumačyć Žamčužny.
Mužčyna zaŭvažaje, što staŭ vielmi ŭvažliva adnosicca da taho, što jamu dajuć jeści, paśla taho, jak u susiedniaj kamiery zahinuŭ asudžany. Pa słovach Žamčužnaha, hety čałaviek paśla ježy pačaŭ vanitavać dziŭnymi vydzialeńniami. Jany pajšli taksama i praz kišečnik. Doktar, jaki heta bačyŭ, byŭ vielmi ździŭleny, zahadaŭ prybrać i zasypać usio chlorkaj.
Jak tłumačyć były palitźniavoleny, ščołač u ježy — heta reštki myjučych srodkaŭ. Kali z talerak i drobnaha posudu jany padčas pałaskańnia zmyvalisia, to ź vialikich jomistaściaŭ, ź jakich razdavałasia ježa, jany drenna prybiralisia (Žamčužny miarkuje, što naŭmysna) i nazapašvalisia na dnie. U vyniku źniavolenyja z kamier, jakija apošnimi atrymlivali ježu, mieli ŭ joj vialikuju kolkaść ščołačy.
Kamieru, u jakoj znachodziŭsia mužčyna, jon nazyvaje «kamieraj śmiarotnikaŭ» z-za taho, što jana jakraz była apošniaj padčas razdačy ježy. Akramia taho, jana nie była abstalavanaja kamierami videanazirańnia.
Pa słovach byłoha palitźniavolenaha, paśla taho, jak jon adčuŭ dziŭny prysmak ježy, to ŭziaŭ jaje ŭzory, zapatrabavaŭ ad prakuratury vyklikać sanstancyju. Supracoŭnik apošniaj pryjšoŭ, pravieryŭ ježu i vyznačyŭ fakt atručvańnia. Jon ža pravioŭ pravierku pryhatavańnia ježy ŭ stałovaj.
Były palitźniavoleny adznačaje, što paśla ź ježaj usio było narmalna.
Hladzicie całkam:
Ciapier čytajuć
Łukašenka patłumačyŭ, čamu jaho nie vidać pa sieradach i subotach11
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary