Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj
Alaksandr Łukašenka na siońniašnim pasiadžeńni Rady biaśpieki zapatrabavaŭ ad Litvy sieści za stoł pieramovaŭ. Jon padkreśliŭ, što litoŭskija fury prosta tak nie pakinuć krainu — Litvie pryjdziecca damaŭlacca.
Padčas pasiadžeńnia Łukašenka ahučyŭ niekatoryja patrabavańni da Vilni.
«Viarnicie nam 17 abo 20 aŭtamabilaŭ, jakija vy skrali. Pažarnyja aŭtamabili, jakija pastaŭlali ŭ Zimbabve. Narmalizujcie pracu našaha sanatoryja, dzie my lačyli čarnobylskich dziaciej. Jany ŭ dziaciej adabrali faktyčna sanatoryj. I viarnicie nam hrošy za toje, što my tam budavali port», — skazaŭ jon.
Taksama Łukašenka zhadaŭ «alternatyŭnyja ŭrady» i «bajavyja atrady», jakija, pavodle jaho słoŭ, «utrymlivajuć» u Litvie.
«Jany ad nas čahości patrabujuć. A kali b my ŭ Biełarusi stvarali alternatyŭnyja ŭrady i padtrymlivali «zmaharoŭ za niezaležnaść». Jany tam stvarajuć bajavyja atrady, jany ich uzbrojvajuć. Pomnicie — charuhvy. Jany nikudy nie dzielisia. I cełyja pałki, jak jany nazyvajuć. Heta što, žart? I jany jašče nam niejkija pretenzii vystaŭlajuć. Nu, utrymlivajuć jany ich — niachaj utrymlivajuć. Ale kali heta nakiravana suprać našaj krainy, my jak na heta pavinny reahavać?» — skazaŭ jon.
Ciapier čytajuć
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1818
Kamientary
V 2020 hodu Litva , da i vsia Jevropa, mołča smotrieła, kak rasstrielivajut i kalečat biełarusov. Maksimum rieakcii , eto była ozabočiennosť proischodiaŝim. Vspominajtie svoju ozabočiennosť i «vzaimovyhodnuju torhovlu», hospoda jevropiejcy, kohda šizoidnyje diktatory budut dieliť mieždu soboj vaši strany.