U Biełarusi vystavili na prodaž viadomuju sietku kramaŭ dziciačych cacak FUNtastik. Abjava źjaviłasia na płatformie biz24. Sietka naležyć kampanii «Kraina cacak», jakaja ŭvachodzić u hrupu biznesmiena Uładzimira Vasilonka, piša Office Life.
Hod tamu kampanija zapuskała novy farmat — kramy pad brendam «Biełaruskaja cacka», i pieršy taki handlovy punkt adkryŭsia ŭ minskim HZC «Červieński».
Na sajcie FUNtastik ciapier paznačanyja 22 kramy, jakija pracujuć u Minsku i inšych haradach: Mahilovie, Hrodnie, Breście, Viciebsku, Rečycy, Baranavičach. Akramia taho, jość dźvie kramy pad brendam «Biełaruskaja cacka», dzie prapanujecca tolki pradukcyja miascovych vytvorcaŭ.
Jak udakładnili žurnalisty ŭ kampanii, pakupnikam prapanujuć na vybar — abo nabyć uvieś biznes całkam, abo kupić asobnyja handlovyja abjekty ŭ rehijonach. Mahčyma navat prosta nabyć abstalavańnie kankretnaj kramy. Cana nie fiksavanaja i zaležyć ad farmatu ździełki. Pavodle słoŭ pradstaŭnikoŭ kampanii, da prapanavanaha biznesu ŭžo prajaŭlajuć cikavaść.
Pakupniku abiacajuć pracu ŭžo naładžanych mahazinaŭ z ustojlivym patokam klijentaŭ, sfarmavanaj kamandaj, ustanoŭlenymi standartami absłuhoŭvańnia, kasavaj sistemaj, naładžanym ulikam tavaru i dziejnaj anłajn-padtrymkaj — sajtam funtastik.by i sacsietkami prajekta.
Ciapier čytajuć
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju2020
Kamientary