Jak pravilna vybrać sałodki padarunak dziciaci i jakich dabavak treba paźbiahać
Napiaredadni navahodnich śviat miedyki dajuć parady, jak vybrać biaśpiečny i jakasny sałodki padarunak dla dziciaci. Zahadčyca adździaleńnia hihijeny dziaciej i padletkaŭ Dzijana Łaŭrysiuk rastłumačyła «Minsk-Navinam», na što treba źviartać uvahu.
Što pakłaści ŭ padarunak
U navahodni nabor śpiecyjalisty rajać uklučać šakaład (małočny i ciomny), vafli, pierniki, želejnyja cukierki i miakki irys, a taksama paściłu i ziefir.
Nie rekamiendujecca kłaści ŭ padarunak maślenyja pirožnyja i inšyja desierty, jakija chutka psujucca.
Taksama jość asobnyja patrabavańni da cacak u naborach: jany pavinny być upakavany ŭ asobnyja abhortki, pryznačanyja dla kantaktu ź ježaj.
Što pavinna naściarožyć
Pry vybary varta addavać pieravahu naboram, jakija majuć minimum charčovych dadatkaŭ, kansiervantaŭ, hidratavanych tłuščaŭ i alejaŭ (transtłuščoŭ).
Śpiecyjalisty nie rekamiendujuć, kab u składzie prysmakaŭ byli:
ałkahol (bolej za 0,5% etanołu);
uzmacnialniki smaku i aramatu;
kansiervanty (Je200, Je202, Je210, Je249);
sintetyčnyja farbavalniki i aramatyzatary;
hidrahienizavanyja alei i tłuščy;
naturalnaja kava.
Dapuskajecca ŭtrymańnie naturalnych farbavalnikaŭ i aramatyzataraŭ.
Praviły vybaru
Pierš za ŭsio treba źviartać uvahu na cełasnaść upakoŭki i najaŭnaść markiroŭki, jakaja pavinna ŭtrymlivać źviestki pra nazvu, skład, kolkaść, datu vyrabu i termin prydatnaści. Apošni ŭstanaŭlivajecca pa samym skorapsavalnym pradukcie ŭ nabory. Prysmaki treba zachoŭvać pry tempieratury +15…+17°S.
Pry padazreńniach u jakaści pradukcyi pakupnik maje prava zapatrabavać u pradaŭca dakumienty, jakija paćviardžajuć biaśpieku tavaru.
Karysnyja alternatyvy
Kandytarskija vyraby škodnyja dla dziaciej z-za vysokaha ŭtrymańnia cukru, što moža pryvieści da karyjesu, atłuścieńnia, prablem z stravavańniem i hipieraktyŭnaści. Zamiest tradycyjnych cukierak rekamiendujecca vybirać bolš karysnyja alternatyvy:
śviežuju sadavinu i jahady;
suchafrukty, arechi;
chatni marmieład, paściłu i ziefir;
nievialikuju kolkaść ciomnaha šakaładu.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?10
Kamientary
Možno išo na pasieku svoziť nienadołho,i budiet s nieho.
Diedy viekovali,a nynie smotri-kasia : paki otrok i nahich bap vozžiełajet poššupať,šokoład-to iť razžihajet voždielenije.