Palitviazień Žamčužny: Mianie sprabavaŭ źbić smatračy, za heta inšyja źniavolenyja apuścili jaho
Historyjaj sa svajho źniavoleńnia były palitviazień kandydat techničnych navuk Michaił Žamčužny padzialiŭsia ŭ novym vypusku TOK.
Jak raskazaŭ Michaił Žamčužny, dla taho kab zachavać svajo žyćcio ŭ kałonii, jon vymušany byŭ supraćdziejničać błatnym, jakija supracoŭničali z administracyjaj, i smatračamu, jaki mieŭ mianušku Lis.
Lis pasprabavaŭ u sančastcy kałonii ŭ Horkach źbić Žamčužnaha. Pa isnujučych pamiž źniavolenymi praviłach, u sančastcy zabaronienyja jakija-niebudź razborki.
Jak zhadvaje mužčyna, heta adbyłosia ŭ kalidory sančastki:
«Supracoŭniki mianie naŭmysna tudy pryviali i pakinuli biez kanvoju. Raptam jon źjaŭlajecca ŭ hetym kalidory. U nas ź im pačynajucca razborki. Tak jak ja fizična byŭ niadrenna padrychtavany, usio žyćcio zajmaŭsia sportam, u jaho niešta nie atrymałasia. Jon vymušany byŭ adtul źbiehčy».
Zachavaŭšy svajo žyćcio, Žamčužny dabiŭsia taho, što smatračaha potym žorstka pakarali. Jak tłumačyć mužčyna, «u turmie, kali ty parušaješ zakon jak smatračy, to razmovaŭ nijakich asabliva niama. Raz pa paniaćciach parušyŭ, značyć adrazu atrymlivaješ pakarańnie».
Spačatku Lisa dastatkova surjozna źbili ŭ kałonii ŭ Žodzinie. Ale na hetym nie skončyłasia. Jak zhadvaje Žamčužny, jamu pa etapach paviedamili, što Lisa ŭ kałonii № 11 (Vaŭkavysk) «apuścili» inšyja źniavolenyja. Pry čym heta adbyłosia litaralna za try miesiacy da jaho vyzvaleńnia.
Hladzicie całkam:
Čytajcie jašče:
«U Horkach sabrali adkidy ź inšych kałonij». Siarod jakoha kantynhientu apynuŭsia Aleś Bialacki
Eks-palitviazień Žamčužny, jaki ahułam adsiedzieŭ 11 hadoŭ, vyjechaŭ ź Biełarusi
Ciapier čytajuć
Anton čatyry hady chavaŭsia ad łukašystaŭ u rodnych Baranavičach — zatrymali, kali vyrašyŭ zdać na pravy1
Kamientary