Ulubiony łasunak zubroŭ nazvali ŭ palaŭničaj haspadarcy — jaho dajuć kruhły hod
U palaŭničych haspadarkach Biełarusi pačali zimovuju padkormku zubroŭ, paralelna ź jakoj prachodzić i ŭlik hetych žyvioł.
Niaprosta davodzicca jehieram palaŭničaj haspadarki «Aziory» ŭ Hrodzienskim rajonie, bo tam žyvie adzin z najbujniejšych statkaŭ u krainie — 509 asobin (treci pa kolkaści ŭ Biełarusi), paviedamlaje teleradyjokampanija «Hrodna».
Dla takoj kolkaści zubroŭ na zimu narychtoŭvajuć 50 t siena, 100 t burakoŭ i 50 t jabłykaŭ. U mieniu taksama jość złakavyja.
Korm u zubroŭ pavinien być pažyŭnym i napoŭnienym vitaminami. Pry nieabchodnaści ŭ ježu žyviołam mohuć dadavać minieralnyja kompleksy i navat leki
Vykładku karmoŭ pačynajuć u žniŭni, raskazaŭ hałoŭny śpiecyjalist palaŭniča-rybałoŭnaj haspadarki SPK «Aziory Hrodzienskaha rajona» Stanisłaŭ Baśko.
Ale jość adzin łasunak, jakim častujuć zubroŭ kruhły hod. Pa jaho da karmušak prychodziać navat samyja aściarožnyja asobiny. Heta biełaruskaja sol.
Kali žyvioły prychodziać padsiłkavacca, supracoŭniki palaŭničaj haspadarki za imi ŭvažliva nazirajuć.
Kali heta nie atrymlivajecca zrabić udzień, to nočču na dapamohu prychodziać ciepłavizary.
Hałoŭnaja zadača — paličyć, kolki zubroŭ u statku, zafiksavać kolkaść maładniaku — za hod naradziłasia bolš za 50 zubraniat.
Pakolki statak raście, śpiecyjalisty farmirujuć hrupy, kab pierasialić jaho častku ŭ inšyja rehijony. Užo vyrašana adpravić 10 asobin u Łahojski rajon. Adsielać žyvioł i ŭ Homielskuju abłasnuju palaŭničuju haspadarku. Taki padychod dapamahaje zachoŭvać papulacyju čyrvonaknižnych zubroŭ.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy80
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
Kamientary
Tolko nie skazano,dla kakich životnych takoje łakomstvo.
Ili žie eto nie dla životnych )