U katehoryju apracavanaj ježy zvyčajna ŭklučajuć pradukty, jaki prajšli termičnuju apracoŭku. I časam heta robić ježu zdaraviejšaj.
Ale syraja ježa, jakaja nie prajšła apracoŭku, moža źmiaščać taksiny. Naprykład, u składzie niavaranaj fasoli jość lektyny — rečyva, jakoje moža vyklikać vanity i dyjareju, piša VVS. Jany razburajucca, kali fasolu varać.
Kab zrabić karovina małako bolš biaśpiečnym dla spažyvańnia, taksama patrebnaja termičnaja apracoŭka, ci, inakš kažučy, pasteryzacyja. Tak nazyvajuć nahravańnie małaka da vysokich tempieratur, zdolnaje źniščyć škodnyja bakteryi. Da Druhoj suśvietnaj vajny amal čverć usich chvarob, što pieradavalisia praź ježu i vadu, byli źviazanyja ź mikraarhanizmami, jakija pieradajucca praz małako. Ciapier kolkaść takich chvarob — mienš za 1%.
Apracoŭka taksama dapamahaje zachoŭvać u praduktach karysnyja rečyvy. Naprykład, kali harodninu zamarožvajuć, u joj zachoŭvajecca šmat vitaminu S i folijevaj kisłaty.
Časam u apracavanych praduktach navat bolš karysnych rečyvaŭ, čym u bolš naturalnaj ježy. Heta aktualna dla chleba i inšych ziernievych praduktaŭ.
Apracavanaja ježa — naprykład, kansiervy — lepiej zachoŭvajecca. U dadatak jana bolš dastupnaja pa koštach.
Adnak hłyboka pierapracavanaja ježa — tyja samyja paŭfabrykaty, sneki i fast-fud — naŭrad ci niasie karyść dla zdaroŭja. Takija pradukty źmiaščajuć šmat charčovych dadatkaŭ, jakija mohuć škodzić stanu kišačnika i vyklikać zapaleńnie, jakoje pavyšaje ryzyku prablem z sercam. Ludzi, što spažyvajuć hłyboka pierapracavanuju ježu, taksama schilnyja da pierajadańnia, što viadzie da lišniaj vahi. Z druhoha boku, pakul niama dakładnych navukovych danych, jakija b śviedčyli, jak kankretna heta pracuje.
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary