«Usioj Biełaruśsiu skidvalisia na rekłamu»: Ksienija Sabčak rekłamuje biełaruski hiel dla brovaŭ koštam 6 rubloŭ
Ksienija Sabčak šakiravała padpisčyc u instahramie rekłamaj tannaj biełaruskaj kaśmietyki.
Viadomaja žurnalistka i televiadučaja apublikavała cikavy ryłs. U im jana pakazvaje tuš dla paviek Luxvisage XXL i hiel dla brovaŭ taho ž brendu. Podpis na videa taki: «Novaja kaśmietyka nie zrobić ciabie ščaślivaj» — potym pad sučasny remiks pieśni Pedro pačynaje tančyć janot: «Ja, kali nabyła kaśmietyku ad Luxvisage».
— Kali vy nie prytancoŭvajecie ad lubimaj kaśmietyki, to ja navat nie viedaju… Zasnavana na realnych padziejach. Ja i maje favaryty, — udakładniła Sabčak.
Darečy, tuš dla paviek Luxvisage XXL kaštuje kala 11-12 biełaruskich rubloŭ, a hiel dla brovaŭ 6-7 rubloŭ. Rekłama vyklikała chvalu ironii i sarkazmu ŭ kamientaryjach: «Ksienija nie jeść miasa tańniej za 14 tysiač rasijskich rubloŭ, zatoje karystajecca tuššu za 300 rubloŭ», «Što ž dyjor nie zapłaciŭ, vidać, hrošaj nie chapiła», «Heta taksama z šopinhu ŭ Dubai?».
Niechta ščyra aburyŭsia: «Kali łaska, nie treba rekłamavać Luxvisage! Zaraz košt vyraście!».
Padpisčyc ź Biełarusi najbolš chvaluje toj fakt, dzie supierbiudžetny biełaruski brend znajšoŭ hrošy na rekłamu ŭ Sabčak. Chtości vykazaŭ zdahadku, što markietołaham Luxvisage pryjšłosia pradać dušu djabłu. A adna dziaŭčyna pažartavała: «Usioj Biełaruśsiu skidalisia vam na rekłamu».
Kolki zaraz biare za rekłamu ŭ instahramie Sabčak, nieviadoma. Ale ŭ 2019 hodzie padpisčycy zadavali joj hetaje pytańnie. Taja adkazała: «Ad 500 tysiač da 1 miljona rasijskich rubloŭ u zaležnaści ad katehoryi tavaru». Pa kursie 2019 hoda heta prykładna ad $7700 da $15500.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary
Iz zahraničnych tovarov v mahazinach erefii širpotrieb iz Kazachstana, Irana i Kitaja.
Tovary iz Biełarusi možno kupiť v elitnych butikach i po priedvaritielnoj zapisi.