Abaronu aeraporta ŭ Mahilovie, jakuju pakazali vysokim čynoŭnikam, repieciravali try dni
17 maja ŭ Mahilovie prajšoŭ zbor top-čynoŭnikaŭ i armiejskaha kamandavańnia «Vajskovaja biaśpieka i abarona dziaržavy». U ramkach zboru ŭdzielnikam pakazali insceniroŭku achovy i abarony miascovaha aeraporta siłami terabarony i Siłaŭ śpiecyjalnych apieracyj. Pierad hetym pastanoŭku doŭha repieciravali.
U rozyhryšy abarony aeraporta «Mahiloŭ» udzielničali ŭ tym liku viertaloty. Pavodle infarmacyi manitorynhavaj hrupy «Biełaruski Hajun», dva viertaloty Mi-8 i dva viertaloty Mi-24, jakija ŭdzielničali ŭ pakazalnym vystupie, da hetaha trojčy prylatali ŭ Mahiloŭ — 11, 15 i 16 maja.
Dla demanstracyi čynoŭnikam insceniroŭki tolki z pryciahnieńniem viertalotaŭ praviali try repietycyi. Kolki repietycyj adbyvałasia napiaredadni «na ziamli» z pryciahnieńniem reziervistaŭ, pryzvanych na zbory, nieviadoma.
Cikava, što trenirovačnyja vylety (15-16 maja) i vylety na samo mierapryjemstva 17 maja adbyvalisia ŭ adzin i toj ža čas, heta značyć usie dziejańni viertalotaŭ byli adrepieciravanyja da chviliny. Praciahłaść pakazalnaha vystupleńnia z udziełam viertalotaŭ skłała nie bolš za 30 chvilin.
Da hetaha, u pačatku maja, na «raptoŭnaj praviercy» sił SPA Alaksandru Łukašenku pakazali toje, što repieciravali da hetaha niekalki miesiacaŭ.
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks13
Kamientary
Sołniečnyj zajčik stieklannoho hłaza
O-o, moja oborona
Traurnyj miačik nielepoho mira
Traurnyj miačik diešiovoho mira