Biełarus vyjhraŭ u Čarnahoryi bujny turnir pa pokiery i atrymaŭ vializnuju sumu
Małady hulec u pokier ź Biełarusi Arciom Łasoŭski staŭ pieramožcam turniru $40,000 NLH 7-Handed Mystery Bounty u ramkach sieryi Triton Poker Super High Roller Series, jakaja prachodzić z 12 pa 26 maja ŭ Čarnahoryi, paviedamlaje «Biełaruś i śviet».
Turnir doŭžyŭsia dva dni, sukupny pryzavy fond skłaŭ 6 040 000 dalaraŭ.
Naš suajčyńnik, jaki ŭpieršyniu ŭdzielničaŭ u sieryi Triton, u zaklučnaj hulni adoleŭ Samuela Žu z Hiermanii.
Pieramoha pryniesła Arciomu vielizarnuju sumu, jakaja skłałasia davoli niezvyčajnym čynam.
U turnirach takoha typu pryzavyja składajucca z dvuch častak: pieršaja — fiksavanaja, za zaniataje kankretnaje miesca, druhaja — varyjatyŭnaja, jakaja zaležyć ad kolkaści vybitych pakierystam z hulni inšych hulcoŭ, a taksama prosta ad udačy, bo pravodzicca faktyčna łatareja.
Učora ŭviečary ŭdzielniki turnira naŭhad vyciahvali sa skryni kanvierty z zapiačatanymi ŭnutry listkami papiery, na jakich značylisia tyja ci inšyja sumy. Arciom Łasoŭski, jaki vybiŭ z turniru adrazu 12 supiernikaŭ, mieŭ prava na 12 sprobaŭ. U vyniku jamu trapilisia 8 kanviertaŭ ź minimalnaj sumaj u 40 tysiač dalaraŭ, 1 — z sumaj 60 tysiač, i 3 — z sumaj 100 tysiač.
U vyniku Łasoŭskamu pa vynikach turniru naležyć atrymać sukupna 1 349 000 dalaraŭ. Ź ich 669 tysiač — niepasredna za čempijonstva, a 680 tysiač — za vybitych u pracesie hulni apanientaŭ.
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy37
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary