Prapahanda vykłała pierapisku historyka Baciukova, dzie jon «pryznajecca» ŭ pracy na KDB. Raspytali jaho, što adbyłosia
Alaksieja Baciukova ŭ Biełarusi dvojčy zatrymlivaŭ i sprabavaŭ vierbavać KDB. U vyniku ŭ jaho atrymałasia źjechać ź Biełarusi. A siońnia ŭ adnym z prałukašenkaŭskich ananimnych telehram-kanałaŭ apublikavali pierapisku, jakuju prypisvajuć Baciukovu — tam jon kaža, što «źlivaŭ» dyjasparu ŭ Hruzii i praciahnie rabić heta ŭ Polščy. Baciukoŭ zapeŭnivaje, što heta fejk, i tłumačyć, u čym prapahanda prakałołasia.
Sutnaść pierapiski zvodzicca da taho, što Alaksiej pierapisvajecca ź niejkaj žančynaj, jakoj pryznajecca, što pahadziŭsia supracoŭničać sa śpiecsłužbami naŭzamien na zakryćcio kryminalnaj spravy i «viartańnie ŭ Biełaruś».
My raspytali Alaksieja, što adbyłosia i što heta ŭvohule za pierapiska:
«Pa-pieršaje, źviarnu ŭvahu na toje, što dostup da akaŭnta, ź jakoha byccam viadziecca pierapiska, jość tolki na kampjutary i smartfonie, jakija ŭ mianie kanfiskavali («Harigoro Ishikela»). Ja nie maju dostupu da jaho z momantu zatrymańnia.
Pa-druhoje, prapahandysty pišuć, što pierapiska viadziecca z «paluboŭnicaj Haluniaj». Ale Halina — heta maja žonka, a nie paluboŭnica. Da taho ž, «Haluniaj» ja jaje nikoli nie nazyvaju.
Pa-treciaje, tam niepiśmiennaja biełaruskaja mova. Naprykład, u adnoj z častak jość fraza «niehatyŭna paspryjała na zdaroŭje», što pa-biełarusku zusim nie hučyć.
Nie viedaju, čamu jany vyrašyli zakinuć heta mienavita zaraz. Bo nijakaj aktyŭnaści vakoł majoj spravy niama, ničoha novaha nie adbyłosia. Na kaho raźličany ŭkid, ja taksama nie razumieju».
«Naša Niva» — bastyjon biełaruščyny
PADTRYMAĆCiapier čytajuć
Chto zabaraniaje ŭ Biełarusi knihi — voś hetyja 22 čałavieki32
Chto zabaraniaje ŭ Biełarusi knihi — voś hetyja 22 čałavieki
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary