Прапаганда выклала перапіску гісторыка Бацюкова, дзе ён «прызнаецца» ў працы на КДБ. Распыталі яго, што адбылося
Аляксея Бацюкова ў Беларусі двойчы затрымліваў і спрабаваў вербаваць КДБ. У выніку ў яго атрымалася з'ехаць з Беларусі. А сёння ў адным з пралукашэнкаўскіх ананімных тэлеграм-каналаў апублікавалі перапіску, якую прыпісваюць Бацюкову — там ён кажа, што «зліваў» дыяспару ў Грузіі і працягне рабіць гэта ў Польшчы. Бацюкоў запэўнівае, што гэта фэйк, і тлумачыць, у чым прапаганда пракалолася.
Сутнасць перапіскі зводзіцца да таго, што Аляксей перапісваецца з нейкай жанчынай, якой прызнаецца, што пагадзіўся супрацоўнічаць са спецслужбамі наўзамен на закрыццё крымінальнай справы і «вяртанне ў Беларусь».
Мы распыталі Аляксея, што адбылося і што гэта ўвогуле за перапіска:
«Па-першае, звярну ўвагу на тое, што доступ да акаўнта, з якога быццам вядзецца перапіска, ёсць толькі на камп'ютары і смартфоне, якія ў мяне канфіскавалі («Harigoro Ishikela»). Я не маю доступу да яго з моманту затрымання.
Па-другое, прапагандысты пішуць, што перапіска вядзецца з «палюбоўніцай Галюняй». Але Галіна — гэта мая жонка, а не палюбоўніца. Да таго ж, «Галюняй» я яе ніколі не называю.
Па-трэцяе, там непісьменная беларуская мова. Напрыклад, у адной з частак ёсць фраза «негатыўна паспрыяла на здароўе», што па-беларуску зусім не гучыць.
Не ведаю, чаму яны вырашылі закінуць гэта менавіта зараз. Бо ніякай актыўнасці вакол маёй справы няма, нічога новага не адбылося. На каго разлічаны ўкід, я таксама не разумею».
«Наша Нiва» — бастыён беларушчыны
ПАДТРЫМАЦЬ
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары