Kiraŭnik Akademii navuk prydumaŭ paniaćcie «biełaruski śviet» i patłumačyŭ, što heta takoje
Pa słovach Uładzimira Husakova, heta paniaćcie aktyŭna ŭvodzicca va ŭžytak.
Staršynia Prezidyuma NAN Biełarusi Uładzimir Husakoŭ na moładzievym forumie zajaviŭ, što ŭ abarot uvodzicca novaje paniaćcie — «biełaruski śviet».
Sa słoŭ Husakova, jano ŭklučaje ŭ siabie «cełuju sistemu ahulnanacyjanalnych kaštoŭnaściaŭ — ad staražytnaj historyi i kultury da sučasnaj śvietabudovy, uklučajučy tradycyjny śvietapohlad biełarusaŭ», piša BiełTA.
«Siońnia «biełaruski śviet» — nie tolki tradycyi słaŭnaha minułaha, ale i hodnaja sučasnaść, upeŭnienyja pazicyi ŭ halinie navuki, kultury, adukacyi, achovy zdaroŭja, mižnarodnaha supracoŭnictva, abaranazdolnaści, što pierakanaŭča paćviardžajecca jak paŭsiadzionnym vopytam biełaruskich hramadzian i našych haściej, tak i statystyčnymi pakazčykami i vysokimi pazicyjami ŭ mižnarodnych rejtynhach», — ličyć Husakoŭ.
Na dumku akademika, mocnym bokam «biełaruskaha śvietu» zastajecca imknieńnie da kantaktaŭ sa źniešnim asiarodździem, hatoŭnaść usprymać novy dośvied i pierajmać najlepšyja ŭzory.
Husakoŭ zajaviŭ, što histaryčny šlach Biełarusi maje vyklučnyja asablivaści. Naprykład, hieahrafičnaje stanovišča, na praciahu stahodździaŭ było skryžavańniem niekalkich kultur i dziaržaŭnych utvareńniaŭ, jakija ŭvachodzili ŭ vialikija cyvilizacyjnyja kanhłamieracyi i vyznačali raźvićcio jeŭrazijskaj prastory.
Taksama kiraŭnik NAN źviarnuŭ uvahu na asablivaści nasielnictva biełaruskich terytoryj, jakija ŭbirali ŭ svoj skład pradstaŭnikoŭ roznych etnasaŭ i nacyjanalnaściaŭ, a taksama na nabytuju ź ciaham času vysokuju stupień ustojlivaści biełaruskaha naroda da razburalnych umoŭ tranzitnaha isnavańnia.
Zaraz paniaćcie «biełaruski śviet» buduć usiebakova i ŭzmocniena vyvučać i asensoŭvać.
-
U 7‑j śpiecbryhadzie ŭnutranych vojskaŭ źmianili kamandzira i ideołaha — nieŭzabavie paśla pravierki bojehatoŭnaści
-
Łatuška: Pieramovy pa Ukrainie mohuć adkryć mahčymaści dla Biełarusi. Demsiły pavinny być za stałom
-
«Ja chaču raźviejać mif, što ja vielmi mocny čałaviek, prosta tank, bo mnohija viedajuć mianie z 2020-ha». Razmova z Halinaj Kazimiroŭskaj ab pieramozie nad ciažkim dyjahnazam
Ciapier čytajuć
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami3
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary