U Žłobinie ŭziali šlub 87-hadovy žanich i 76-hadovaja niaviesta. Pryčym paznajomilisia jany ŭ tyktoku
Z radasnaj padziejaj muža i žonku pavinšavali 6 dziaciej, 15 unukaŭ i 13 praŭnukaŭ.
U Haliny Fiodaraŭny z Novaj Karmy kłopataŭ bieźlič. Vialiki dom i aharod 15 sotak, fierma na 50 kačak, troje parasiat, dva katy i sabaka — pracavać pa haspadarcy prychodzicca z ranicy da nočy, paviedamlaje Hałoŭnaje ŭpraŭleńnie justycyi Homielskaha abłvykankama.
Adpačyvać dušoj dapamahaje chobi — zdymki videarolikaŭ. Dziakujučy jamu žančyna asvoiła tyktok i znajšła muža-inšaziemca.
— Barys byŭ maim padpisčykam: kamientavaŭ videa, staviŭ łajki, — padzialiłasia Halina Fiodaraŭna. — Praz paŭtara hoda zalacańniaŭ zajaviŭ: «Bolš tak nie mahu, pryjedu!» Ja nie ŭspryniała surjozna — jon bačyŭ mianie tolki na fota, dy i ad Litvy da nas niablizkaja adlehłaść.
Zamiežny žanich strymaŭ słova i adnojčy ŭ krasavicki dzień prybyŭ u Biełaruś na aŭtamabili:
Telefanuje mnie i kaža: «Ja ŭ Žłobinie, sustrakaj!» Adrasa navat nie viedaŭ. Sustreła, pryniała, tak i zastaŭsia sa mnoj.
Navina pra žanicha ablacieła akruhu. Svajaki pastavilisia pazityŭna, chutka znajšli ahulnuju movu:
U jaho ruskija karani. U vioscy asvoiŭsia lohka, pačaŭ dapamahać pa haspadarcy. Mužčynskaj ruki mnie brakavała! Zaraz atrymlivaje dazvoł na žycharstva — budziem žyć u Biełarusi!
Sa šlubam paru pavinšavała vialikaja siamja. Rasčulili da śloz. Halina Fiodaraŭna ścipła pryznałasia, što absalutna ščaślivaja.
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud29
Kamientary