Byłomu premjeru Pakistana i jahonaj žoncy dali pa 7 hadoŭ źniavoleńnia za toje, što nadta chutka pažanilisia
Sud u Ravałpindzi prysudziŭ byłoha premjer-ministra Pakistana Imrana Chana i jaho žonku Bušru Bibi da siami hadoŭ pazbaŭleńnia voli za chutkaje viasielle paśla razvodu. Dla Chana heta ŭžo treci prysud, vyniesieny ciaham tydnia, piša «Nastojaŝieje vriemia».
Sud pastanaviŭ, što Chan i Bibi parušyli ŭstanoŭlenuju ŭ Karanie zabaronu žančynam vychodzić zamuž adrazu paśla razvodu.
Bibi raźviałasia ŭ listapadzie 2017 hoda i pavinna była vyčakać try miesiacy, pierš čym ustupić u šlub znoŭ, — u isłamie hety pieryjad nazyvajecca Idaj. A jana vyjšła zamuž za Chana ŭžo ŭ lutym 2018 hoda.
U dačynieńni da Chana zaviedziena bolš za 50 kryminalnych spraŭ, uklučajučy teraryzm. U žniŭni 2023 hoda jaho prysudzili da troch hadoŭ pazbaŭleńnia voli pa abvinavačvańni ŭ admyvańni hrošaj.
30 studzienia 2023 hoda Chan i i eks-kiraŭnik MZS Pakistana Šach Miechmuda Kurašy atrymali 10 hadoŭ turemnaha źniavoleńnia pa abvinavačvańni ŭ parušeńni zakona ab dziaržtajamnicy. Na nastupny dzień sud prysudziŭ byłoha ministra i jahonuju žonku da 14 hadoŭ turmy pa spravie ab karupcyi.
Taksama Chanu i jahonaj žoncy Bibi zabaranili zajmać dziaržaŭnyja pasady ciaham 10 hadoŭ i pryznačyli štraf na sumu 787 młn rupij (9,4 młn dalaraŭ) kožnamu.
Apošnija prysudy vynieśli za niekalki dzion da ŭsieahulnych vybaraŭ, pryznačanych na 8 lutaha. U ich biare ŭdzieł partyja Chana «Ruch za spraviadlivaść». Vyniesieny prysud nie dazvolić samomu Chanu brać udzieł u vybarach na praciahu nastupnych piaci hadoŭ.
Źniknieńnie śpikierki KR Anžaliki Mielnikavaj. Usio važnaje, što viadoma na hety momant19
Kamientary