Dziaržaŭnyja kiniematahrafisty mohuć źniać film pra 2020 hod pa scenary Vaskrasienskaha
Ale lepš — vialiki sieryjał.
Staršynia praŭładnaha Biełaruskaha sajuza kiniematahrafistaŭ Jaŭhien Arandarevič u prahramie «Skažiniemołči» na BT raskazaŭ, ci buduć jany zdymać kino pra padziei 2020 hoda. Raniej ab pracy nad scenaryjem takoha filma raskazvaŭ Juryj Vaskrasienski.
Pa słovach Arandareviča, 2020 hod — adzin z epizodaŭ. Film pavinien achoplivać značna bolšy pieryjad.
«Kali zdymać sapraŭdy vialiki film, to treba zdymać film ab asobie. Jak, naprykład, jość film «Alaksandr» pra Alaksandra Makiedonskaha. Treba pakazvać mienavita stanaŭleńnie našaj dziaržavy, pakazvać usie tyja 30 hadoŭ, jakija naša kraina idzie da pośpiechu».
Pa słovach staršyni Sajuza kiniematahrafistaŭ, Biełaruś — «adzinaja kraina, dzie raj na ziamli».
«Kali havaryć pra film, to treba jaho rabić nie poŭnym mietram, bo za sto chvilin nie raskažaš. Heta pavinien być vialiki sieryjał, pačynajučy z 90-ch ab tym, jakija vyprabavańni lahli na našu krainu, na našaha prezidenta, jakim pravilnym kursam naš lidar viadzie našu ajčynu.
My bačym, jak pryjšli da 2020-ch hadoŭ. I jaki vieličezny davier, padtrymka ŭ kiraŭnika našaj dziaržavy ŭ ludziej. My ŭsio bačym, my ŭsie ŭsio razumiejem, čym byŭ 2020 hod».
Arandarevič zapeŭniŭ, što Sajuz kiniematahrafistaŭ źviažacca ź Juryjem Vaskrasienskim i abmiarkuje jaho scenar.
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu11
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary