Navukoŭcy vyśvietlili pryčynu śmierci Alaksandra Makiedonskaha
Alaksandr Makiedonski pamior u vyniku vostraha pankreaniekrozu — vostraj formy zachvorvańnia padstraŭnikavaj załozy. Pra heta paviedamlaje vydańnie Greek Reporters sa spasyłkaj na navukoŭcaŭ z univiersiteta Arystociela ŭ Hrecyi, piša lenta.ru.
«Pačatak simptomaŭ charaktaryzavaŭsia mocnym bolem u žyvacie paśla raskošnaj ježy i vina, jaki supravadžajecca lichamankaj i štodzionnym prahresavalnym paharšeńniem na praciahu čatyrnaccaci dzion», — tłumačycca ŭ daśledavańni hreckich navukoŭcaŭ.
Pa słovach aŭtara daśledavańnia, hanarovaha prafiesara miedycyny, doktara Tomasa Hierasimidzisa, u Alaksandra Makiedonskaha pačaŭsia sepsis — zapalenčaja reakcyja ŭ adkaz na vostry pankreaniekroz. Heta zachvorvańnie raźviłasia ŭ jaho na fonie žoŭcievakamiennaj chvaroby i schilnaści da ałkaholu i ciažkaj ježy.
Navukoŭcy zrabili hetuju vysnovu, praanalizavaŭšy apisanyja antyčnymi historykami apošnija dni makiedonskaha cara i simptomy jaho chvaroby. Pry hetym daśledčyki adkinuli staryja viersii śmierci makiedonskaha cara — mierkavałasia, što jon moh pamierci ad malaryi, pnieŭmanii, brušnoha tyfu abo lichamanki Zachodniaha Niła. Navukoŭcy vyvučali hetaje pytańnie z 1995 hoda.
Alaksandr Vialiki byŭ makiedonskim carom ad 336 da 323 hoda da našaj ery. Za svajo niepraciahłaje kiravańnie jon zasnavaŭ 70 haradoŭ i skaryŭ Piersidskuju impieryju. Jon pamior u Vaviłonie i, jak ličycca, byŭ pachavany ŭ Jehipcie, adnak miesca jaho pachavańnia tak i nie było znojdziena. Paśla śmierci Alaksandra jaho impieryja chutka raspałasia.
-
Pryłuki pad Minskam na chvali chajpu — biełarusy masava pajechali tudy pa zdymki ŭ styli «Pryciemak». Miascovyja nie ŭ zachapleńni
-
«U 2015‑m vyjhraŭ $10 tysiač». Biełarusy ŭzhadvajuć, jak i kolki vyjhravali ŭ łatarei
-
Brazilec pradaŭ usiu majomaść i prajechaŭ 2000 kiłamietraŭ dziela žančyny. Ale jaho čakała žorstkaje rasčaravańnie
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary