Pravakatarka, jakaja razhulvaje pa Breście z rasijskim Z-ściaham — supracoŭnica Kamiteta sudovych ekśpiertyz
U arsienale Śviatłany Łapacientavaj (Siadovaj) i biełaruski, i rasijski, i saviecki ściahi.
Zusim niadaŭna my pisali pra fanatku vajny, što hulała pa vulicach Bresta z rasijskim ściaham ź litaraj Z. Kanflikt ź joj skončyŭsia pakarańniem jak minimum adnaho čałavieka.
Prajekt «Čornaja karta Biełarusi» znajšoŭ jašče adnu takuju «hierainiu». U hetym dapamoh tyktok-kanał uradženki Dahiestana, a ciapier žycharki Bresta Sadzii Haraninaj (Kazieka).
Na adnym ź videa bačna, jak dźvie žančyny pad akampaniemient pieśni «Za Rośsiju, za Donbass, Biełaruś, Kubań, Kavkaz. Zołotyje kupała. Słav́sia, russkaja ziemla!» iduć pa adnoj z vulic horada, razmachvajuć ściahami i starajucca padpiavać. Haranina razmachvaje dziaržaŭnym ściaham Biełarusi, a jaje siabroŭka niasie adrazu dva ściahi. Siarod ich — rasijski ściah z Z-simvolikaj.
Jak vyśvietlili aŭtary telehram-kanała, heta Śviatłana Łapacientava. Žančynie 57 hadoŭ. Admietnym źjaŭlajecca jaje miesca pracy — Upraŭleńnie dziaržaŭnaha kamiteta sudovych ekśpiertyz pa Bresckaj vobłaści.
Na svajoj staroncy ŭ «Adnakłaśnikach» (tam jana padpisana jak Siadova) pobač ź videarolikami na relihijnuju tematyku žančyna pościć pieśni rasijskich vykanaŭcaŭ Z-tematyki.
Žychara Bresta, jaki zrabiŭ zaŭvahu žančynie z trykałoram i Z, siłaviki prymusili prabačacca pierad rasijanami
Stała viadoma, što za žančyna-pravakatarka chadziła pa Breście z rasijskim ściaham z Z-simvolikaj
Žančyna chadziła pa Breście z rasijskim ściaham. Ale adkaznaściu pahražajuć nie joj, a tamu, chto heta zaŭvažyŭ
Kamientary