Minabarony: Ukraina raźmiaściła padraździaleńni śpiecnazu na miažy ź Biełaruśsiu
«Nie chaciełasia b, kab naša paŭdniovaja susiedka paviałasia na niečyja ŭkazańni i pasprabavała pakaštavać biełarusaŭ na zub», — zajaviŭ Pavieł Muraviejka.
Ukraina raźmiaściła padraździaleńni śpiecnazu na miažy ź Biełaruśsiu, paviedamiŭ načalnik Hienieralnaha štaba, pieršy namieśnik ministra abarony Pavieł Muraviejka ŭ subotu ŭ efiry ANT, paviedamlaje Interfaks.
«Litaralna ŭ apošnija tydni my nazirajem pakul ničym nie abhruntavanuju i pakul niezrazumiełuju nam aktyŭnaść pablizu našych miežaŭ z boku Ukrainy. U nasieleny punkt Oŭruč, jaki na žytomirskim kirunku, rovienska-žytomirskim kirunku, prybyli (ukrainskija) padraździaleńni śpiecyjalnaha pryznačeńnia 1-j prezidenckaj bryhady», — raspavioŭ načalnik biełaruskaha Hienštaba.
Jon padkreśliŭ, što «śpiecnaz pablizu dziaržaŭnaj miažy zaŭsiody naściarožvaŭ.
«Heta tyja abjekty, jakija farmirujuć realnyja vykliki, jakija zdolnyja nasycić našu terytoryju dyviersijna-raźviedvalnymi hrupami. My vymušanyja pieramiaščać tudy našy padraździaleńni, ustupać va ŭzajemadziejańnie z orhanami pamiežnaj słužby, naroščvać asobnyja kirunki i rychtavacca da prykryćcia, a taksama ruchać časam artyleryju i być zdolnymi adreahavać.
I nie chaciełasia b, kab naša paŭdniovaja susiedka paviałasia na niečyja ŭkazańni i pasprabavała pakaštavać biełarusaŭ na zub», — zajaviŭ Muraviejka.
Učora Pamiežny kamitet zajaviŭ, što la biełaruska-ŭkrainskaj miažy znachodzicca Ruski dobraachvotnicki korpus, a taksama paviedamlałasia, što ŭ bok ukrainskaj miažy nakiravanyja «Pałanezy».
Ź minułaha tydnia ŭ biełaruskaj armii pravodzicca maštabnaja raptoŭnaja pravierka bojehatoŭnaści.
Pamiežny kamitet Biełarusi ŭhledzieŭ «Ruski dobraachvotnicki korpus» na miažy z Ukrainaj
«Ukraina Biełarusi nie pahražaje, my vymušanyja abaraniacca». Ukrainskaja pamiežnaja słužba adkazała biełaruskaj
Minabarony adpraviła «Pałanezy» na prykryćcio miažy VIDEA
Z vykarystańniem «Pałanezaŭ», «Hradaŭ» i bajavoj avijacyi. Padrabiaznaści maštabnaj bajavoj pravierki Uzbrojenych sił
Muraviejka: Armija Biełarusi hatovaja da prymianieńnia jadziernaj zbroi
Kamientary