Žycharcy Homiela, što zdymała porna sa svaimi dziećmi, dali 16 hadoŭ kałonii
Za piać hadoŭ jana adpraviła pornamateryjały bolš čym 300 ludziam.
Žycharku Homiela pryznali vinavataj u «raspusnych dziejańniach seksualnaha charaktaru, hvałtoŭnych dziejańniach seksualnaha charaktaru, vyrabie i raspaŭsiudzie parnahrafičnych materyjałaŭ z udziełam svaich dziaciej». Za heta jaje prysudzili da 16 hadoŭ pazbaŭleńnia voli z adbyvańniem pakarańnia ŭ kałonii ahulnaha režymu.
Viadoma, što žančyna z 2018 pa 2023 hod znajomiłasia anłajn z mužčynami — jak biełarusami, tak i zamiežnikami. Za hrošy jana dasyłała im svaje fota i videa parnahrafičnaha źmiestu. Paźniej žančyna daviedałasia, što za takija ž sceny, ale ź dziećmi hatovyja płacić utraja daražej, i pačała pryciahvać da zdymak syna i dačku.
Za piać hadoŭ jana paśpieła adpravić pornamateryjały bolš čym 300 ludziam. Akramia taho, jana pravodziła pryvatnyja anłajn-tranślacyi. Ahułam hamialčanka zarabiła bolš za 47 tysiač rubloŭ.
Kab prymusić dziaciej zdymacca ŭ porna, maci ŭžyvała roznaha rodu psichałahičnyja manipulacyi: zapałochvała, pahražała pazbavić telefonaŭ, hrošaj i prahułak, mahła nie razmaŭlać z synam i dačkoj pa niekalki dzion. Baćka dziaciej, jak śćviardžajecca, pra ŭsio heta nie viedaŭ.
Dziejańni 36-hadovaj žančyny byli kvalifikavanyja pa piaci artykułach Kryminalnaha kodeksa. Sudovaje pasiadžeńnie prachodziła ŭ zakrytym režymie. Padčas Jaho žančynu pryznali vinavataj pa ŭsich punktach abvinavačvańnia. Prysud jašče nie ŭstupiŭ u zakonnuju siłu i moža być abskardžany.
Ciapier čytajuć
Čamu YouTube vydaliŭ kanały BiełTA, STB i ANT? Voś što viadoma11
Kamientary