Na praciahu apošnich niekalkich dzion biełaruski rubiel umacoŭvajecca adnosna dalara i jeŭra. Spytali ŭ ekanamista pra pryčyny.
Tak, 17 lipienia, 1 dalar pa kursie Nacbanka kaštavaŭ 3,1977 rubla, kurs na zaŭtra (26 lipienia) — 3,1102. Umacavańnie rubla adnosna dalara skłała 2,81%.
Ekśpiert BEROC Anastasija Łuzhina nazyvaje niekalki pryčyn, čamu biełaruski rubiel umacoŭvajecca.
Siarod asnoŭnych faktaraŭ — stabilnaść rubla rasijskaha i niadaŭnija źmieny ŭ biełaruskim zakanadaŭstvie.
«Rasijski rubiel adčuvaje siabie stabilna, choć jaho kurs i vyznačajecca ciapier mienš prazrysta ŭ paraŭnańni z tym, jak heta było da spynieńnia tarhoŭ dalaram na Maskoŭskaj biržy praz sankcyi.
Rasijskaja valuta, niahledziačy na sankcyi, stabilizavałasia. U Rasii za paŭhoda sfarmavałasia vialikaje stanoŭčaje salda, jakoje składaje blizu 50 miljardaŭ dalaraŭ», — adznačaje ekśpiert.
Ź jaje słoŭ, mienavita z hetaj pryčyny ciapier niama pieradumoŭ da taho, kab słabieŭ rubiel rasijski.
Na kursie biełaruskaha rubla adbivajucca taksama niekatoryja ŭnutranyja faktary.
«Adnym z takich faktaraŭ moža być toje, što Nacyjanalny bank pavysiŭ normy reziervavańnia pa zamiežnych valutach z 18 da 20%. Zachoŭvać hrošy ŭ valucie ŭ bankach stała jašče mienš vyhadna, pakolki banki ŭ takich situacyjach źnižajuć staŭki pa ŭkładach.
U vyniku pradpryjemstvy i fizičnyja asoby addaduć pieravahu zachoŭvać hrošy ŭ nacyjanalnaj valucie».
Heta mahło paŭpłyvać na rost prapanovy valuty na rynku, što pryviało da jaje patańnieńnia.
Jašče adzin mahčymy faktar — palapšeńnie situacyi ŭ handlovym bałansie.
«Ale heta tolki zdahadka, pakolki pakul my nie bačym śviežaj statystyki pa źniešnim handli», — adznačaje ekśpiert.
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki15
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1515
Kamientary