U novym vypusku TOKu palitołah Roza Turarbiekava raskazała pra toje, jak KDB sprabuje kantralavać situacyju ŭ BDU.
Pa słovach byłoj vykładčycy BDU Rozy Turarbiekavaj, KDB sačyŭ za BDU praz Upraŭleńnie mižnarodnych suviaziej, «peŭnych ludziej» na fakultetach, a taksama kadebešnika-«smatračaha» (tak nazyvali jaho sami supracoŭniki).
Dla fakulteta mižnarodnych adnosin, dzie vykładała Roza, u hetym nie było čahości dziŭnaha.
«Jak vy viedajecie, mižnarodnyja adnosiny, źniešniaja palityka i śpiecsłužby zaŭsiody iduć pobač. Nam šmat čaho dazvalałasia, ale adnačasova za nami i sačyli pastajanna».
Sama jana niepasredna z kadebešnikami va ŭniviersitecie nie sutykałasia. «Razmovy sa mnoj vialisia na ŭzroŭni dekana. Dalej za dekana nie išło», — havoryć Turarbiekava.
Jak zhadvaje byłaja vykładčyca, u kancy vieraśnia — pačatku kastryčnika 2020 hoda prarektaram pa biaśpiecy pryznačyli byłoha vypusknika fakulteta mižnarodnych adnosin BDU Jarasłava Čarkaskaha, jaki zaniaŭsia čystkami.
«Nam pryznačyli samaha žorstkaha siarod usich aficeraŭ KDB, jakija byli pryznačany prarektarami pa biaśpiecy. Tamu što BDU — heta asablivy abjekt dla ŭvahi. (…) Tamu i represii byli takimi žorstkimi. Ja by skazała, što samyja masavyja».
Jak pryhadvaje Turarbiekava, Čarkaski dobra vučyŭsia, skončyŭ BDU prykładna ŭ 2003 hodzie. Ale, pa jaje słovach, byŭ u svoj čas pakryŭdžany na fakultet. Mahčyma, tamu, što nie zmoh abaranić dysiertacyju.
«Jon chacieŭ pajści ŭ KDB, raźviedku (u nas takija byli i zaŭsiody buduć). (…) Prajaviŭ jon siabie ŭ jakaści čałavieka, jaki prymaje ŭdzieł u represijach, jašče ŭ 2006-2007 hadach. Jon užo pracavaŭ u KDB i prymaŭ udzieł u represijach suprać vykładčykaŭ univiersiteta», —
raskazvaje Turarbiekava.
Hladzicie całkam:
Turarbiekava rezka adkazała na krytyku ŭ adras Rymašeŭskaha
Turarbiekava: Na svabodnych vybarach ja b prahałasavała za Babaryku. Jon dakazaŭ, što niemahčymaje — mahčyma
Roza Turarbiekava raskazała, jak jaje syn pierajšoŭ na biełaruskuju movu. A ciapier pačała vučyć i jana
Na fakultetach BDU stvaryli kamisii, jakija ŭziali pad kantrol kadravyja pytańni
«Kibierpartyzany» ŭzłamali ŭnutranuju sietku BDU i panazirali, jak tam kruciacca žorny represij
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary