Roza Turarbiekava raskazała, jak jaje syn pierajšoŭ na biełaruskuju movu. A ciapier pačała vučyć i jana
«Ruskaja mova — mova hvałtu».
U novym vypusku TOKu ŭradženka Kazachstana palitołah Roza Turarbiekava pryznałasia, što pierachod jaje syna na biełaruskuju movu staŭ šturškom dla taho, kab samoj pačać vyvučać jaje.
«Jaho šlach mianie padvioŭ da taho, što ja taksama pavinna. Ja nie pavinna ciahnuć jaho nazad»,
— adznačaje žančyna i dzielicca padrabiaznaściami šlachu jaje syna da biełaruskaj movy.
Jak zhadvaje Turarbiekava, jaje syn pierajšoŭ na biełaruskuju movu ŭ 2022-m hodzie. Chłopca vielmi kranuła historyja sa Źmitrom Daškievičam, jaki znachodzicca za kratami z sakavika 2022-ha.
«Jaho bili i patrabavali havaryć na narmalnaj movie. Heta, mahčyma, stała dla majho dziciaci tryhieram», —
adznačaje Turarbiekava i dadaje, što jaje syn, «jak i ŭsie biełaruskija minskija školniki» nie vielmi dobra staviŭsia da biełaruskaj movy, bo jaje drenna vykładali. Akramia hetaha, važnym faktaram było toje, što matčynaj movaj była ruskaja.
«Doma panuje matčyna mova. Heta dakładna», — akcentuje Turarbiekava i zaŭvažaje, što nie raz havaryła synu, što jaho baćka Pavieł Cieraškovič — biełaruskamoŭny, i sprabavała paŭpłyvać na toje, kab syn karystaŭsia biełaruskaj movaj.
«Kali jon byŭ padletkam, to słova baćkoŭ uvohule nie było aŭtarytetnym. Kali jon staŭ studentam, jamu było byccam by nie da hetaha. Ale ŭ jaho byli dobryja siabry — studenty fakulteta mižnarodnych adnosin. Niekatoryja ź ich byli pryncypova biełaruskamoŭnymi.
I voś dla jaho było takoje adkryćcio — možna być pryncypova biełaruskamoŭnym i pry hetym być dastatkova paśpiachovym. Tak jak adna ź jahonych siabrovak»,
— zhadvaje Turarbiekava i zhadvaje jašče adzin faktar, jaki paŭpłyvaŭ na pierachod jaje syna na biełaruskuju movu, — pačatak poŭnamaštabnaj vajny Rasii suprać Ukrainy:
«U pieršy ž dzień vajny bomba ŭpała na vulicu, dzie žyvuć jaho lubimyja ciotka ź dziadźkam — adzinaja radnia žyvaja. Ja zrazumieła, što ŭ jaho adbyłosia pieraklučeńnie. Jon mnie kazaŭ ab tym, što ruskaja mova — heta mova hvałtu i vajny. (…) Heta vybar i akt voli».
Turarbiekava pryznajecca, što čas ad času syn u razmovie ź joj pierachodzić na ruskuju movu, ale ŭsie svaje publikacyi piša tolki na biełaruskaj ci anhlijskaj movach.
Hladzicie całkam:
Ciapier čytajuć
Łojka pra budučaha pierajemnika Łukašenki: Adčuvajecca, što dziadula rychtujecca, prykidvaje i hladzić varyjanty11
Kamientary
Dabrasłaŭlaju skarystacca ŭ analizie zorna-natalnaj mapaj, taro, psychalohijaj i kanśpiralohijaj.