Kolki ž vyručyli za reptyliju z nastalhičnaj mianuškaj Dandzi?
Nilskaha krakadziła Dandzi* ŭsio ž udałosia pradać z aŭkcyjonu ŭ Minsku. Nabyło niebiaśpiečnuju reptyliju TAA «Załaty Faraon», jakoje 13 žniŭnia zmahałasia za žyvy łot z bankam i jašče adnoj kampanijaj, piša Tochka.by.
Apošniaja staŭka, jakaja była zroblenaja, — 4050 rubloŭ. U vyniku ŭ chodzie tarhoŭ krakadził padaražeŭ u 2,3 raza.
Na sajcie «Załatoha faraona» havorycca, što firma zajmajecca arhanizacyjaj azartnych hulniaŭ. Čym novaha ŭładalnika zacikaviŭ łot i što budzie dalej z reptylijaj, pakul nieviadoma.
Krakadził Dandzi doŭhi čas žyŭ u zaaparku, jaho raniejšym ułaśnikam było TAA «Aŭtsorsinh Karparejšn», jakoje zbankrutavała.
Dandzi amal 14 hadoŭ (krakadziły žyvuć kala 50 hadoŭ, a časam 70-100), heta samiec. Jaho ŭžo sprabavali raniej pradać na tarhach, ale ničoha nie atrymlivałasia.
Da hetaha, 30 lipienia, u aŭkcyjonie ŭdzielničaŭ adziny pakupnik, jaki pa vyniku zaklučeńnie ździełki nie paćvierdziŭ. Paśla čaho košt krakadziła byŭ źnižany da 1 800 rubloŭ.
* Krakadził, napeŭna, nazvany ŭ honar Majkła Dandzi — hieroja kultavych aŭstralijskich filmaŭ «Dandzi pa mianušcy «Krakadził»» i «Krakadził Dandzi II», što vyjšli na ekran u 1986 i 1988 hadach z Połam Chohanam i Lindaj Kazłoŭski ŭ hałoŭnych rolach. Filmy ź vialikim pośpiecham demanstravalisia ŭ savieckim prakacie. A miljony dziaciej chacieli być padobnymi da charyzmatyčnaha hieroja Poła Chohana.
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu4848
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu48
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3636
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było36
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary
ja stolki nie zarablaju. dyk jany (šefy i iže ź imi) jašče majuć takoje nachabstva, kab na hetaha Dandzi z majoj pustoj kišeni hrošy izymać..mać..mać-pieramać (čujecca recha)
typu - skidvajemsia na Dandzi my ž kamanda i ŭsio takoje... a sam šeu skinuŭsia, cikava, ci nie?
było b u mianie chacia b 4500 rubloŭ, ja b nabyła hetaha Dandzi i skormlivała b jamu kožny miesiac pa adnamu šefu
i heta, jak minimum