Prezident ZŠA Džo Bajden pryniaŭ u Biełym domie rasijskaha apazicyjnaha palityka Uładzimira Kara-Murzu i jaho siamju, piša «Nastojaŝieje vriemia».
«Uładzimir pravioŭ dva z pałovaj hady ŭ niespraviadlivym źniavoleńni ŭ Rasii za toje, što vystupaŭ suprać vajny Rasii va Ukrainie. Siońnia jaho siamja znoŭ razam», — napisaŭ Bajden u sacsietcy X.
I welcomed Vladimir Kara-Murza and his family to the White House today to celebrate his return to America.
Vladimir spent two and a half years unjustly imprisoned in Russia for speaking out against Russia's war in Ukraine.
Today his family is whole once more. pic.twitter.com/5NopnA2HnW
Dva tydni tamu, kali adbyŭsia maštabny abmien palitviaźniami, Uładzimira Kara-Murzu vyvieźli ŭ Hiermanii, a jaho siamja była ŭ Biełym domie i ŭ prysutnaści prezidenta ZŠA telefanavała z Avalnaha kabinieta baćku i mužu.
Uładzimir Kara-Murza byŭ prysudžany ŭ Rasii da 25 hadoŭ kałonii strohaha režymu. Jaho pryznali vinavatym u raspaŭsiudzie «fejkaŭ» pra rasijskaje vojska i dziaržaŭnaj zdradzie. Heta adzin z samych žorstkich prysudaŭ, vyniesienych palityčnym źniavolenym u sučasnaj Rasiei.
1 žniŭnia 2024 hoda Kara-Murza byŭ vyzvaleny ŭ ramkach vialikaha abmienu pamiž ZŠA, Rasijaj i inšymi krainami. Na pres-kanfierencyi paśla vyzvaleńnia palityk skazaŭ, što ni jon, ni Illa Jašyn, ni Andrej Pivavaraŭ nie pisali prašeńnia ab pamiłavańni. Palityk dadaŭ, što adnojčy płanuje viarnucca ŭ Rasiju.
U intervju ŭ intervju Washington Post Uładzimir Kara-Murza skazaŭ, što paśla padzieńnia pucinskaha režymu rasijskamu narodu treba budzie vialikaja praca nad pamyłkami.
U mai 2024 hoda palityk atrymaŭ Pulitceraŭskuju premiju za kałonki dla vydańnia. Arhanizatary premii adznačyli, što Kara-Murza pisaŭ kałonki, uśviedamlajučy ŭsiu niebiaśpieku, ale nastojvajučy na demakratyčnaj budučyni Rasii.
Kamientary