Praź niekalki miesiacaŭ paśla śmierci byłoha bojfrenda druhaja rakietka śvietu ci nie ŭpieršyniu bolš detalova raspaviała pra toje, što jana adčuła paśla śmierci i što nie dała sabie času ŭśviadomić trahiedyju.
Biełaruska raskazała pra heta ŭ intervju The Guardian, jakoje było apublikavanaje ŭ sieradu napiaredadni pačatku Adkrytaha čempijanatu ZŠA pa tenisie.
Były hulec Nacyjanalnaj chakiejnaj lihi i trenier u baškirskim «Sałavat Jułajevie» Kanstancin Kalcoŭ u sakaviku vypaŭ z bałkona piacizorkavaha hatela ŭ Majami i zahinuŭ.
Spačatku paviedamlałasia, što hetyja dvoje byli razam, ale potym Sabalenka ŭdakładniła, što heta nie tak, jany niezadoŭha da hetaha razyšlisia, choć jaje serca było «raźbita». Heta była adna ź niamnohich zajaŭ, jakija jana zrabiła adrazu paśla trahiedyi, nie ličačy zvarotu da svaich prychilnikaŭ z udziačnaściu za ich padtrymku.
Ciapier, praź piać miesiacaŭ, jana pryznała, što zrabiła b pa-inšamu, kali b mahła.
Kali ŭ 2019 hodzie pamior baćka Sabalenki, jana z hałavoj syšła ŭ tenis. I paśla hetaj trahiedyi vyrašyła skancentravacca na sporcie. Na nastupny dzień paśla śmierci Kalcova jaje zaŭvažyli na treniroŭcy pierad Adkrytym čempijanatam Majami.
«Adnojčy ja straciła baćku, i tenis dapamoh mnie pieražyć hetuju ciažkuju stratu», — skazała jana.
«Takim čynam, u toj momant [śmierci Kalcova] ja padumała, što pavinna prosta praciahvać iści napierad, praciahvać hulać, praciahvać zajmacca svajoj spravaj, adździalajučy svajo asabistaje žyćcio ad karjery.
«Ale, urešcie, ja b skazała, što ŭ mianie byli surjoznyja prablemy sa zdaroŭjem, bo ja nie spyniałasia. Heta było vielmi emacyjna i napružana, i ŭ niejkaj stupieni padarvała majo psichičnaje zdaroŭje ŭ toj momant».
Sabalenka dadała, što, na jaje dumku, «najlepšym rašeńniem» było b zrabić krok nazad i «pierazaradzicca».
«Pačać usio spačatku», — dadała jana. «Ale ja zrabiła toje, što zrabiła. U rešcie rešt, ja zapłaciła za svajo rašeńnie, ale ja sapraŭdy rada, što ŭ maim žyćci jość tenis, i heta sapraŭdy dapamahło mnie prajści praz usio i stać macniejšaj».
26-hadovaja tenisistka była vymušanaja na čas admovicca ad udziełu ŭ hulniach na praciahu apošnich niekalkich miesiacaŭ z-za traŭmy plača, jakaja pieraškodziła joj vystupić na Uimbłdonie, i z-za chvarob, jakija nie dazvolili joj pryniać udzieł u Rałan Haros i Alimpijadzie.
«Ja zrazumieła heta tolki paśla taho, jak atrymała traŭmu i była vymušana adstupić, što nasamreč heta było vielmi nieabchodna», — skazała Sabalenka.
«Ciapier ja adčuvaju siabie fizična i maralna našmat lepš i našmat macniej», — dadała jana.
Sabalenka ŭ paniadziełak vyjhrała prestyžny turnir u Cyncynaci ŭpieršyniu paśla pieramohi na Aŭstralijan Oŭpen, viarnuła sabie zvańnie druhoj rakietki śvietu i rychtujecca da Adkrytaha čempijanatu ZŠA ŭ dobraj pazicyi.
Hod tamu Aryna dajšła da finału US Open, dzie prajhrała Kako Haŭf, ale niahledziačy na parazu na dva miesiacy stała pieršaj rakietkaj śvietu.
Zaraz Sabalenka sustrakajecca z brazilskim biznesoŭcam Hieorhijasam Franhulisam.
Ciapier čytajuć
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary