Jak biełaruskaja stryptyziorka dapamahła pryvieźci ŭ Minsk salista hurta Led Zeppelin
Jana jašče i aščadziła arhanizataram dziasiatki tysiač dalaraŭ.
Historyju pryjezdu ŭ Minsk rok-vakalista, udzielnika hurtu Led Zeppelin Robierta Płanta raskazaŭ pradziusar Hienadź Šulman u novym vypusku jutub-kanała «Ministerstva siepultury».
Kancert Robierta Płanta ŭ Minsku byŭ arhanizavany dziakujučy kancertnamu mieniedžaru Rodu MakŚvinu. Hety čałaviek — uładalnik premii Hremi za arhanizacyju hastrolaŭ Rolling Stones.
«Hety čałaviek za hod arhanizavaŭ 400 kancertaŭ hrupy Rolling Stones. My byli ŭ jaho ŭ Łondanie ŭ haściach. U jaho mahutnaja kantora. Heta miljanier. Ale jon vielmi lubiŭ dziaŭčat ź Biełarusi, našych słavianskich dziaŭčat. A sam taki maleńki, pluhavy», — zhadvaje Šulman.
MakŚvin pryjechaŭ u Minsk razam z hrupaj Scorpions. U horadzie jon paznajomiŭsia i zakachaŭsia ŭ adnu stryptyziorku. Paźniej, kali mužčyna arhanizoŭvaŭ kancert Robierta Płanta ŭ Sankt-Pieciarburhu, to paprasiŭ Šulmana i jaho partniora pa biznesie pryvieźci hetuju žančynu tudy da jaho ŭ hości.
«My pryvieźli jaje da jaho, i jon skazaŭ, kali my siadzieli ŭ hateli: «U vas budzie Płant i pa vielmi dobraj canie», — zhadvaje Šulman. MakŚvin strymaŭ svajo słova.
Kali vystup u Maskvie Robierta Płanta kaštavała 160 tysiač dalaraŭ, u Sankt-Pieciarburhu — 80 tysiač, to kancert u Minsku arhanizataram kaštavaŭ 25 tysiač dalaraŭ. Dla paraŭnańnia, hanarar hurtu Deep Purple za kancert u Minsku skłaŭ 107 tysiač dalaraŭ.
Vystupleńnie Płanta prajšło ŭ žniŭni 2003 hoda nie na samaj papularnaj placoŭcy — stadyjonie «Traktar». Jak tłumačyć Šulman, stadyjon «Dynama» byŭ na ramoncie, jak i Pałac sportu. Inšych placovak na toj čas u Minsku nie było.
Niahledziačy na nievialiki hanarar, arhanizatary nie zmahli akupić vydatki na kancert, bo na jaho pryjšło razy ŭ čatyry mienš hledačoŭ, čym jany raźličvali.
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary