«Panacinaikas», «Lehija», «Kapienhahien». Kaho atrymała minskaje «Dynama» ŭ supierniki ŭ Lizie kanfierencyj
U Ńjonie siońnia prajšło losavańnie asnoŭnaj stadyi futbolnaj Lihi kanfierencyj — treciaha pavodle statusu jeŭrakubku. Biełaruś u im pradstavić minskaje «Dynama».
U siezonie 2024-2025 upieršyniu jeŭrakubki buduć pravodzicca biez hrupavoj stadyi. Kožnaja kamanda atrymaje roznych supiernikaŭ. U Lizie čempijonaŭ i Lizie Jeŭropy pa vosiem supiernikaŭ. U Lizie kanfierencyj — šeść.
Minskaje «Dynama» atrymała nastupnyja kłuby: «Kapienhahien» (matč projdzie na niejtralnym poli ŭ Azierbajdžanie), «Lehija» (matč u Varšavie), CHIK Chielsinki (u haściach), «Charts» Edynburh (niejtralnaje pole ŭ Azierbajdžanie), «Panacinaikas» Afiny (u haściach), «Łarn» Paŭnočnaja Irłandyja (matč u Azierbajdžanie).
Kalandar stanie viadomy krychu paźniej.
«Dynama» pačynała vystup z kvalifikacyi Lihi čempijonaŭ. Prajšło armianski «Piunik», u druhim raŭndzie prajhrała bałharskamu «Łudahorcu», u trecim raŭndzie kvalifikacyi Lihi Jeŭropy prajšło pa sumie dvuch matčaŭ hibrałtarski «Linkaln».
U płej-of kvalifikacyi Lihi Jeŭropy prajhrała bielhijskamu «Anderlechtu» i trapiła ŭ asnoŭnuju stadyju Lihi kanfierencyj.
Dadamo, što biełaruski kłub apošni raz hulaŭ u hrupavym turniry ŭ siezonie 2018-2019 (BATE ŭ Lizie Jeŭropy). Z taho času biełaruskija družyny ŭ jeŭravosień nie prabivalisia.
Ciapier čytajuć
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj22
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»2828
Kamientary