«Staronku pieraharnuć sapraŭdy para». Ruskamirac Ahafonaŭ raskazaŭ, što pabačyŭ padčas svajho karotkačasovaha źniavoleńnia
Prarasijski aktyvist z Babrujska Arciom Ahafonaŭ padzialiŭsia ŭ telehram-kanale svaim dośviedam niadoŭhaha znachodžańnia ŭ łukašysckich zaścienkach. Vyniesieny jamu prysud jaho zadavoliŭ, ale «pravaprymianialnuju praktyku treba mianiać».
Pavodle słoŭ Ahafonava, zatrymali jaho na aŭtobusnym prypynku, pryvieźli ŭ milicejski aporny punkt i pakazali dva skrynšoty ź jahonaha fejsbuka za 2021 hod. Na ich byli spasyłki na «Radyjo Svaboda» i «Biełaruski partyzan». Vinu svaju prarasijski dziejač pryznaŭ, pratakoł padpisaŭ, paśla čaho jaho zavieźli ŭ IČU z kajdankami i pad kanvojem.
Na noč źmiaścili, jak jon vykazaŭsia, «u adnamiesny karcar», dzie znachodziłasia jašče piać čałaviek ad 30 da 50 hadoŭ, usie palityčnyja z takimi ž «hrachami». Prytym adzin ź ich byŭ, pa słovach Ahafonava, taki ž samy prarasijski, jak i jon sam.
«Ludzi sabralisia (za vyklučeńniem mianie) ad palityki dalokija, zvyčajnyja rabaciahi», — padkreślivaje Ahafonaŭ.
Ruskamirny aktyvist pryznajecca, što vielmi bajaŭsia, kab jamu nie dali, jak i bolšaści inšych, 15 sutak, bo maje słaboje zdaroŭje — u jaho dyjabiet i hipiertenzija. Ale jamu dali, da vialikaj radaści, tolki štraf u 25 bazavych.
«Što mahu skazać pa vyniku? Staronku pieraharnuć sapraŭdy para. Tyja, kaho ja bačyŭ u kamiery i na sudzie, niezaležna ad pierakanańniaŭ, nie ŭjaŭlajuć niebiaśpieki dla dziaržavy. I toje, što, u pryncypie, zvyčajnyja abyvacieli nabyvajuć dośvied žyćcia ŭ pienitencyjarnaj sistemie i kryŭdu na dziaržavu — nie jość dobra».
Praŭda, sumnievaŭ u tym, što «z ekstremizmam zmahacca treba», u prychilnika «ruskaha śvietu» pa raniejšamu niama, ale «pravaprymianialnuju praktyku treba mianiać zychodziačy z pryncypu suvymiernaści pakarańnia hramadskaj niebiaśpiecy pravaparušeńnia».
Ruskamirnaha aktyvista Arcioma Ahafonava vypuścili na volu
Zatrymali prarasijskaha aktyvista Arcioma Ahafonava
«Zachodziŭ učastkovy, prasiŭ pakazać padpiski». Jašče adzin prarasijski aktyvist zajaviŭ, što jaho pieraśledujuć za palityku
«Mnie soramna, što žančynu adpravili za kraty». Biełarus, čyja skarha pryviała Mirsalimavu ŭ izalatar, raskazaŭ, što adbyłosia
Chto takaja Elvira Mirsalimava, jakuju ŭžo navat łukašenkaŭcy vinavaciać u biełarusafobstvie
Prarasijski aktyvist Ahafonaŭ źbiraje hrošy, kab raspłacicca z advakatam karespandentki ANT
Ciapier čytajuć
Łukašenka znoŭ apraŭdvaŭsia za hieorhijeŭskija stužki: hetym razam pierad rasijskim pasłom26
Kamientary