Pra zatrymańnie Arcioma Ahafonava paviedamiła ŭ telehramie jahonaja idejnaja paplečnica Elvira Mirsalimava, jakaja apošnim časam taksama sutykajecca z padobnymi prablemami.
Mirsalimava miarkuje, što Ahafonava, chutčej za ŭsio, adpraviać na sutki ŭ izalatar, a vinu za heta ŭskładaje na «taho ž samaha zmahara, zaŭkrainca-rusafoba, pa danosie jakoha asudzili i mianie». Hety čałaviek nibyta raniej žyŭ u Polščy, a ciapier pierabraŭsia va Ukrainu.
Na toje, što jaho sprabujuć pieraśledavać siłaviki pa niečamu danosu, sam Ahafonaŭ skardziŭsia ŭ červieni.
Arciom Ahafonaŭ viadomy jak adzin z aktyŭnych prychilnikaŭ «ruskaha śvietu» ŭ Biełarusi. U nulavyja jon byŭ aktyvistam AHP, adnak paśla aneksii Kryma Rasijaj i pačatku vajny na paŭdniovym uschodzie Ukrainy jon rezka pamianiaŭ śvietapohlad i zaniaŭ bok Rasii.
Niadaŭna Ahafonaŭ ustupiŭ u kanflikt z karespandentkaj ANT u Rasii Śviatłanaj Karulskaj. Jon nazvaŭ supracoŭnicu telekanała «sistemnaj nacyjanalistkaj» i abvinavaciŭ jaje ŭ «nianaviści da rasijskich žaŭnieraŭ». Karulskaja ŭ adkaz źviarnułasia ŭ sud.
Praces skončyŭsia mirnym pahadnieńniem, ale Ahafonaŭ zastaŭsia vinien amal 4 tysiačy rubloŭ advakatu Karulskaj. Aktyvistu daviałosia prasić dapamohi ŭ čytačoŭ.
Stalinistu Pietrušenku dali 10 sutak. Na siomyja sutki ŭ jaho adkryłasia prabadnaja jazva
Paśla suda za ekstremizm stalinist Pietrušenka kančatkova vydaliŭ usie svaje internet-zapisy
Stalinist z Tałačynskaha rajona aburyŭsia praktykaj, za jakuju ŭ Biełarusi asudzili tysiačy čałaviek
«Što ŭ nas adbyvajecca?» Prarasijskaja aktyvistka Mirsalimava znoŭ raspaviała pra palityčnyja zatrymańni
Prarasijski aktyvist Ahafonaŭ źbiraje hrošy, kab raspłacicca z advakatam karespandentki ANT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary