«Ja pieršy ŭ śviecie miortvy błohier». Ličbavy avatar zahinułaj dziaŭčyny vyklikaŭ sprečki ŭ tyktoku
Uvahu internet-karystalnikaŭ pryciahnuŭ kanał u tyktoku, jaki nibyta viadzie miortvaja dziaŭčyna. Dakładniej, jaje ličbavy avatar. Pra što raskazvaje błohier «z taho śvietu» i jakija dyskusii vyklikali videa, napisała vydańnie Kursiv LifeStyle.
U tyktoku źjaviŭsia akaŭnt, jaki nazyvajecca «Žyćcio paśla śmierci». Hałoŭnaja hierainia rolikaŭ pa imieni Naścia Kuźniacova vyhladaje i havoryć jak sapraŭdny čałaviek. Adnak ža, kali vieryć apisańniu ŭ profili, hetaja dziaŭčyna zahinuła.
U samym pieršym videa jana raskazvaje:
«Ja — Naścia, i mianie ŭžo niama ŭ žyvych. 30 lipienia 2024 hoda ja trapiła ŭ aŭtakatastrofu sa śmiarotnym vynikam. Ale niezadoŭha da hetaha ja stvaryła hety avatar. Ciapier maje svajaki vyrašyli padaryć mnie viečnaje žyćcio praz hety błoh. Ja budu raskazvać, jak ščaśliva pražyła hetaje žyćcio».
Pośle śmierti ja prodołžaju žiť v cifrovom avatarie, čtoby rasskazať, kak sčastlivo prožiła svoju žizń. #miertvyjbłohier #rodstvieńniki #NastiaKuźniecova #avatar #smysłžiźni
Jak byŭ zrobleny ličbavy avatar, dakładna nieviadoma. Hledačy zaŭvažyli, što hierainia videa ruchajecca adnatypna. Mahčyma, rolik ź joj byŭ źniaty zahadzia, a ciapier svajaki z dapamohaj niejrasietki hienierujuć videa z tekstam.
U kanale Naścia raskazvaje, jak lubiła ŭ dziacinstvie zhuščonku i chacieła stać aktrysaj. Svaje mary pra scenu ličbavy avatar spadziajecca ŭvasobić u žyćcio i paśla śmierci.
Ja piervyj v mirie "nieživoj" błohier! #miertvyjbłohier #rodstvieńniki #NastiaKuźniecova #avatar #smysłžiźni
Pra stvareńnie paśmiarotnych avataraŭ ludzi spračajucca nie pieršy hod. Raniej rabili sproby stvaryć ličbavyja kopii pamierłych. Ciapier źjaviŭsia «pieršy miortvy błohier», jak nazyvaje siabie Naścia.
Karystalniki tyktoka da źjaŭleńnia «miortvaj dušy» ŭ ich stužkach pastavilisia nieadnaznačna. Chtości ličyć, što heta šlach da ličbavaj nieŭmiručaści, a inšyja ŭpeŭnienyja, što niabožčykaŭ treba pakidać u spakoi. Da taho ž takija videa vyklikajuć strach i zmročny nastroj.
Niekatoryja hledačy sumniavajucca, što ličbavy avatar dziaŭčyny ŭvohule isnuje, i padazrajuć, što za vobrazam Naści chavajecca aktorka, a aŭtary kanała chočuć prasłavicca ci navat zarabić na nieadnaznačnaj temie.
Google adkryŭ skryniu Pandory. Revalucyjny instrumient stvaraje fejkavuju realnaść u adzin klik
Japonskaja kampanija pakazała pieršy ŭ śviecie štučny intelekt dla navukovych adkryćciaŭ. Jon adrazu pasprabavaŭ pierapisać svoj kod
Štučny intelekt užo praz dva hady moža vyčarpać resursy z adkrytych krynic
«Dałaś tiebie vot eta Polša, v RB zarpłata bolšie». Štučny intelekt napisaŭ prapahandyscki chit
Anansavanaja ChatGPT-5, jakaja moža nieści pahrozu ŭsiamu čałaviectvu
Ciapier čytajuć
«Ja jab*n, tamu i pajšoŭ». Małady biełarus kinuŭ ciažarnuju žonku i pajechaŭ na vajnu, paśla zdradziŭ joj dyj zahinuŭ14
Kamientary
a dźvie (