Ukrainskija vajskoŭcy stali vykarystoŭvać novy dron. Jon vypalvaje terytoryju pad saboj, jak sapraŭdny drakon
USU ŭpieršyniu pakazali pracu bieśpiłotnika, jaki ź blizkaj adlehłaści raskidvaje nad praciŭnikam zapalnyja bojeprypasy.
FPV-dron nie skidaje hranaty i nie lacić u cel z zaradam vybuchoŭki, a rassypaje nad pazicyjami rasijskich vajskoŭcaŭ termit — sumieś padpalenych hranuł aksidu žaleza i aluminiju.
Pavodle infarmacyi Bild, ukrainskija vajskoŭcy jašče ŭ kancy minułaha hoda zadumalisia pra toje, jak možna vykarystoŭvać termitnuju sumieś razam ź bieśpiłotnikami. U vyniku jany pryjšli da vysnovy, što pad standartny FPV-dron možna źmiaścić kala 500 hramaŭ termitnaj sumiesi. Chimičnaja reakcyja zapuskajecca z dapamohaj dystancyjnaha kiravańnia tolki niezadoŭha da źjaŭleńnia ŭ rajonie mety.
Na videa ahnisty doždž nad rasijskimi pazicyjami doŭžycca kala 20 siekund, u vyniku zaharajecca lesapałasa daŭžynioj kala 100 mietraŭ. Užo praź niekalki siekund paśla prymianieńnia termitnyja sumiesi na ziamli možna adroźnić vybuchi. Heta prykmieta taho, što ahoń raspaŭsiudziŭsia na bojeprypasy rasiejcaŭ.
Tempieratura hareńnia termita składaje prykładna 2500 hradusaŭ — heta aznačaje, što pałajučaja sumieś za ličanyja siekundy raźjadaje navat žaleza, a minamioty, hranaty i patrony stanoviacca śmiarotnymi dla svaich uładalnikaŭ.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR5
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary