Pravaabaroncy padličyli, kolki biełarusaŭ sioleta zatrymali paśla viartańnia z-za miažy
Pa infarmacyi pravaabarončaha centra «Viasna», z pačatku 2024 hoda paśla viartańnia ŭ Biełaruś byli zatrymanyja bolš za 55 čałaviek, suprać 17 ź jakich zaviali kryminalnyja spravy. Pry hetym ličba moža być značna bolšaj praz adsutnaść poŭnych źviestak u pravaabaroncaŭ.
Pad asablivy dahlad na miažy traplajuć jak biełarusy, tak i hramadzianie inšych krain, bolšaść ź jakich — ukraincy. Padstavaj dla dopytu ci zatrymańnia mohuć stać padpiski na niezaležnyja ŚMI, schavanyja fota z pratestaŭ u telefonie abo sacyjalnych sietkach, nacyjanalnaja simvolika i navat štampy ŭ pašparcie ab naviedvańni Ukrainy.
Kali čałaviek znachodzicca ŭ bazie «BIESporiadki», kudy ŭnosiacca danyja ŭsich zatrymanych paśla pačatku pratestaŭ u 2020 hodzie, to vidavočnych padstaŭ moža i nie być. Ludziej dapytvajuć, ich telefony praviarajuć, na niekatorych prosta ŭ aŭtobusie nadziajuć kajdanki, a za inšymi prychodziać praź niekalki dzion.
Pravierki i zatrymańni ładziać na ŭsich dziejnych prapusknych punktach, u tym liku i na miažy z Rasijaj. Siłaviki vysadžvajuć biełarusaŭ z rejsavych aŭtobusaŭ, sustrakajuć ich na aŭtobusnych ci čyhunačnych vakzałach abo prychodziać pa ich užo dadomu paśla viartańnia. Kali zatrymańnie adbyvajecca prosta ŭ punkcie propusku, to čałavieka da suda zvyčajna źmiaščajuć u najbližejšy RAUS, dzie suprać jaho składajuć pratakoł.
Administracyjnyja sudy nad zatrymanymi na miažy Biełarusi z krainami ES adbyvajucca pastajanna. Bolš za ŭsio spraŭ razhladajuć u sudzie Voranaŭskaha rajona i sudzie Leninskaha rajona Bresta. Čaściej za ŭsio ludziam pryznačajuć vialikija štrafy, a niekatorych zatrymanych adpraŭlajuć na sutki. Pratakoły zvyčajna składajuć za «raspaŭsiud ekstremisckich materyjałaŭ».
Pravaabaroncy nahadvajuć, što kali vy ŭdzielničali ŭ paślavybarčych pratestach, danacili biełaruskim inicyjatyvam ci arhanizacyjam, pakidali kamientary ŭ internecie, padtrymlivali palitviaźniaŭ pasyłkami ci hrašyma, to viartacca ŭ Biełaruś niebiaśpiečna.
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra17
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary