Rasijski błohier Hlebas (Hleb Dziamidaŭ) raskazaŭ u svaim jutub-kanale, što nastupnyja 10 hadoŭ jon budzie nieŭjazny ŭ Biełaruś.
Hleba Dziamidava zatrymali ŭ Minsku miesiac tamu, 12 žniŭnia. Milicyju zacikavili dva roliki, jakija Hleb Dziamidaŭ źniaŭ u biełaruskaj stalicy i apublikavaŭ u tyktoku.
Na pieršym roliku błohier uvajšoŭ u kabinu tralejbusa na prypynku niedaloka ad vakzała i źbiantežyŭ žančynu-kiroŭcu. Na druhim — hučna raskazaŭ niecenzurny aniekdot u vahonie mietro.
U vyniku siłaviki zapisali z Hlebasam svajo videa, na jakim prymusili błohiera paprasić prabačeńnia za toje, što jon «daŭ niapravilny prykład moładzi».
Akramia taho, chłopiec adsiadzieŭ 16 sutak za «drobnaje chulihanstva». taksama jamu dali štraf u 1200 rubloŭ.
Hleb Dziamidaŭ maje 5,2 młn padpisčykaŭ u tyktoku i 150 tysiač — u instahramie.
Kamientary