Piarcoŭ: My karnych mieraŭ u dačynieńni da inšych resursaŭ nie pravodzim
Namieśnik kiraŭnika administracyi Łukašenki na čaćviorty hod represij suprać niezaležnych ŚMI i błohieraŭ zajaviŭ, što nijakich karnych mieraŭ dziaržava nie pravodzić.
Uładzimir Piarcoŭ na sustrečy ź ideołahami Hrodzienskaj vobłaści znoŭ vyrašyŭ parazvažać pra infarmacyjnuju vajnu. Raptoŭna eks-ministr infarmacyi zajaviŭ, što dziaržava nie ŭžyvaje karnych mieraŭ u dačynieńni da alternatyŭnych krynic infarmacyi.
Bolš za toje, Piarcoŭ adznačyŭ, što dumajučy čałaviek pavinien čytać usie krynicy, piša BiełTA.
«Čałaviek, jaki dumaje, pavinien krytyčna stavicca da ŭsiaho, jon pavinien i hladzieć, i čytać i toje, i inšaje. My karnych mieraŭ u dačynieńni da inšych resursaŭ nie pravodzim. Našyja ludzi čytajuć i telehram-kanały, hladziać na YouTube alternatyŭnyja krynicy infarmacyi», — zajaviŭ namieśnik kiraŭnika administracyi.
Pry hetym Piarcoŭ vykazaŭ škadavańnie nakont «padstupnych technałohij», z-za jakich čałaviek «hublaje aryjentacyju».
«Kali jany (alternatyŭnyja krynicy) robiacca pieravažnymi pry ŭsich tych padstupnych technałohijach, čałaviek jak istota, što paddajecca ŭmiašańniu, pad uździejańniem hetych infarmacyjna-psichałahičnych technałohij trochi hublaje aryjentacyju, i jahony śvietapohlad skažajecca. Hałoŭnaja meta hetych technałohij — padšturchnuć jaho da niejkich dziejańniaŭ.
Kab uratavać čałavieka, treba stvarać alternatyŭny, praŭdzivy, pastajanny patok našaj infarmacyi, jak my kažam, hienieravać i kreatyvić, i dastaŭlać jaho da ludziej», — ličyć namieśnik kiraŭnika administracyi.
Darečy, sam Piarcoŭ niadaŭna zajaŭlaŭ, što tolki za 2023 hod u Biełarusi zabłakavali bolš za try tysiačy resursaŭ, mnohija ź jakich — jakraz alternatyŭnyja krynicy infarmacyi. Niezaležnyja ŚMI i vielizarnaja kolkaść miedyja-prajektaŭ i błohieraŭ na ŭsich płatformach u Biełarusi daŭno pryznanyja «ekstremistami» i «ekstremisckimi farmavańniami». I hetaja mašyna nie spyniajecca pa siońniašni dzień.
«Što heta za maciuki?» Łukašenka spytaŭ u Piarcova, što za fakultet humanitarystyki — toj skazaŭ, što heta «łokciami šturchacca»
Piarcoŭ raskazaŭ, kolki sajtaŭ zabłakavali ŭ Biełarusi ŭ 2023 hodzie. Ličba ŭražvaje
Bondarava paskardziłasia Piarcovu na karupcyju ŭ Minkulcie — jaje skarhu spuścili ŭ Minkult
Što viadoma pra Uładzimira Piarcova, jaki staŭ hałoŭnym ideołaham Biełarusi
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja100
Kamientary