«Bajsoł» zajaviŭ pra rezkaje pavieličeńnie zajavak na dapamohu
Z pačatku vieraśnia ŭsie słužby fonda salidarnaści Bysol adznačajuć značnaje ŭzmacnieńnie represij u Biełarusi, paviedamiŭ kiraŭnik fondu Andrej Stryžak. Prytym uzmacnieńnie vidać, pavodle jaho, i pa formie, i pa sutnaści.
Prynamsi ŭ Breście i Hrodnie, jak adznačyŭ Stryžak, apošnim časam pašyryli praktyku hvałtu pry zatrymańniach: ludziej źbivajuć padčas abłavaŭ.
Asablivuju cikaŭnaść u siłavikoŭ vyklikajuć ludzi, što davali kamientary ci intervju niezaležnym miedyja ŭ 2020-2023 hadach.
Za apošnija tydni taksama ŭzmacnilisia rejdy pa prafiesijnych hrupach — pad udaram aktyŭnyja nastaŭniki i aśvietniki, a taksama hramadskija aktyvisty.
Apošnim časam u «Bajsoła» značna pavialičyłasia kolkaść zajavak na evakuacyju i kansultacyju, što rabić u vypadku pieraśledu. Pa roznych kirunkach dapamohi rost kolkaści zajavak adznačajecca ad 50 da 80%.
Takuju aktyŭnaść Andrej Stryžak źviazvaje z zakančeńniem adpačynkaŭ u siłavikoŭ, napracoŭkaj vialikaj bazy pa kryminalnych spravach, a taksama ŭ hibrydnym novym padychodzie. Hety novy padychod — u tym, kab adnoj rukoj vyzvalać niejkuju kolkaść palitviaźniaŭ, a inšaj jašče bolš zakručvać hajki i sadžać usio novych ludziej.
Akramia taho, pavodle infarmacyi kiraŭnika «Bajsoła», apošnim časam spartsmieny i dziejačy kultury paviedamlajuć pra toje, što da ich źviartajucca emisary režymu z prapanovami roznaha kštałtu — ad pahrozaŭ svajakam i blizkim da prapanoŭ zharnuć aktyŭnaść, viarnucca ŭ krainu i atrymać daravańnie.
Harbunova: «Nie mužčynam, jakija źjechali ŭ 2020-m, raskazvać mnie pra represii i katavańni»
Stryžak ździviŭ svaim jarkim kaściumam z Super Mario. Dzie jon jaho ŭziaŭ?
Niaŭžo fondy nie dapamahajuć palitviaźniam, jakija napisali prašeńnie ab pamiłavańni? Naturalna, heta niapraŭda
Ci pačnie Łukašenka vypuskać palitviaźniaŭ paśla vybaraŭ-2025? Bačańnie Stryžaka
Stryžak raskazaŭ, kolki jon zarablaje
«Handal ludźmi? Palitźniavolenyja sami prosiać, kab niechta ich užo kupiŭ». Manałoh Jaŭhienii Doŭhaj
Kamientary