Abnaŭleńni, jakija płanujuć, asabliva zakranuć tych, chto siadzić biez pracy, ci ŭ pošuku.
Źmieny ŭ zakony pa pytańniach zaniataści deputaty pryniali ŭ druhim čytańni 17 vieraśnia. Jany ŭstupiać u siłu, kali buduć uchvaleny Savietam Respubliki i padpisany Łukašenkam.
Hetyja źmieny musiać zakranuć jak najmalnikaŭ, tak i tych, chto šukaje pracu.
Asnoŭnyja novaŭviadzieńni dla suiskalnikaŭ pracy
Zarehistravacca ŭ jakaści biespracoŭnaha možna budzie biez pryviazki da miesca rehistracyi.
Kali ciaham miesiaca paśla zvalnieńnia vy zarehistrujeciesia ŭ słužbie zaniataści, to možacie raźličvać na dapamohu pa biespracoŭi.
Sam pieryjad vypłaty dapamohi pa biespracoŭi chočuć skaracić z šaści da troch miesiacaŭ. Ale varta adznačyć, što pamier hetaj dapamohi mizerny (maksimum 80 rubloŭ na miesiac).
Źjavicca bolš katehoryj biespracoŭnych, jakim daduć dadatkovyja harantyi pa pracaŭładkavańni ŭ košt broni.
Maksimalny termin znachodžańnia na ŭliku ŭ jakaści biespracoŭnaha źmienšać z 18 da 12 miesiacaŭ.
Źmieny dla najmalnikaŭ
Im płanujuć dać bolš mahčymaściaŭ dla pošuku rabotnikaŭ.
Najmalniki zmohuć atrymać mahčymaść zajaŭlać u ahulnarespublikanski bank vakansij nie tolki dziejučyja vakansii, ale i tyja, jakija źjaviacca ŭ pierśpiektyvie.
Pry hetym budzie zabaroniena raźmiaščać vakansij na anłajn-resursach, kali hetyja pracoŭnyja miescy nie zajaŭleny ŭ ahulnarespublikanski bank vakansij.
Možna budzie publikavać vakansii nie tolki pa pracoŭnych, ale i pa hramadzianska-pravavych dahavorach.
Zapracujuć kvoty na pracoŭnyja miescy dla invalidaŭ.
Hetyja i inšyja źmieny mohuć ustupić u siłu z 1 studzienia 2025 hoda.
Całkam aznajomicca z zakonaprajektam možna pa spasyłcy.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary
Šmat chto z tak zvanaje demakratyčnaje apazycyi ličyć hedak ža?! Tak voś, hałubočki, vašaja pretenzyja da režymu ŭ tym, što na vašuju dumku nie padłukašenki, a vy majecie pchać pysu ŭ čužyja spravy.