Vydaviectva «Januškievič» atrymała prestyžnuju amierykanskuju premiju
Asacyjacyja amierykanskich vydaviectvaŭ abviaściła ab prysudžeńni premii Freedom to Publish biełaruskamu vydaviectvu «Januškievič», jakoje ciapier pracuje ŭ vyhnańni. Pavodle mierkavańnia asacyjacyi, vydaviectva «prademanstravała mužnaść i stojkaść u abaronie svabody słova».
«Kiraŭniki vydaviectva «Januškievič» prajšli praz cenzuru, padviarhalisia turemnamu zaklučeńniu i vytrymali vyhnańnie. I ŭsio heta dziela svajoj misii — zabiaśpiečyć čytačam litaraturu na biełaruskaj movie», — adznačyła Maryja Pałante, hienieralnaja dyrektarka i prezidentka asacyjacyi.
Vydaviectva «Januškievič» było zasnavana dziesiać hadoŭ tamu historykam Andrejem Januškievičam i chutka stała adnym z najbolš plonnych i prestyžnym u śfiery niezaležnaha biełaruskaha knihavydaviectva. Ale, jak i ŭ bolšaści inšych padobnych vydaviectvaŭ, paśla 2020 hoda ŭ jaho taksama pačalisia prablemy.
U mai 2022 hoda Januškievič adkryŭ u Minsku knižny mahazin «Knihaŭka», ale ŭžo na nastupny dzień u jaho pryjšli prapahandysty i siłaviki. Andrej Januškievič byŭ zatrymany i adbyŭ za kratami 28 sutak, paśla čaho vyjechaŭ za miažu i adnaviŭ dziejnaść vydaviectva ŭ emihracyi.
Ciapier u Varšavie isnuje adnoŭlenaja kniharnia «Knihaŭka», a vydaviectva «Januškievič» praciahvaje rehularna publikavać knihi na biełaruskaj movie.
«Ludzi chočuć litaratury pra siabie, i vielmi važna, kab piśmieńniki na heta reahavali». Vydaviec Januškievič raskazaŭ pra pośpiechi i prablemy svajho biznesu
«Pierastali być kačeŭnikami i asieli na ziamli». Vydaviec Januškievič prezientavaŭ novuju kniharniu i raskazaŭ pra pierśpiektyvy biznesu
Dziejačy kultury padviali vyniki hoda i dali prahnozy — vielmi supiarečlivyja
Ciapier čytajuć
Čamu ŭłady maŭčać pra pryčyny razbureńnia doma ŭ Homieli i jakija jość viersii1
Kamientary