Apublikavali pastanovu Savieta Ministraŭ Biełarusi №720 ad 30 vieraśnia, jakaja tyčycca nadańnia harantyj urada pa kredytach, vydadzienym ajčynnymi bankami. Zhodna z dakumientam, u 2024-2026 hadach Biełarusbanku i Biełahraprambanku dajucca ŭradavyja harantyi pa pahašeńni asnoŭnaha doŭhu pa kredytach, vydavanych arhanizacyjam spažyvieckaj kaapieracyi.
Havorka idzie pra kredyty terminam da adnaho hoda, atrymanych arhanizacyjami Biełkaapsajuza ŭ adpaviednaści z punktam 6 ukaza №309 ad 5 žniŭnia 2024 hoda, i pryznačanych dla raźlikaŭ ź biełaruskimi tavaravytvorcami, stvoranymi imi unitarnymi pradpryjemstvami, arhanizacyjami, jakija ŭvachodziać u skład chołdynhaŭ z udziełam dziaržavy.
U prykładzienym da pastanovy śpisie kala dvuch dziasiatkaŭ arhanizacyj. Ahulnaja suma kredytaŭ, pad jakija vydajucca harantyi ŭrada, składaje 116,9 młn rubloŭ. Płata za nadańnie harantyj bracca nie budzie.
Raniej, 5 žniŭnia, byŭ padpisany ukaz № 309 «Ab padtrymcy arhanizacyj spažyvieckaj kaapieracyi», jaki praduhledžvaje nabyćcio ŭ 2024-2026 hadach 240 aŭtałavak arhanizacyjami, jakija ŭvachodziać u skład Biełkaapsajuza.
Finalistak konkursu «Mis Biełaruś — 2025» vyvieli na scenu ŭ kaściumach z cytatami Łukašenki19
Kamientary