Armienija moža pačać kuplać haz u byłych vorahaŭ. I niavažna, što ŭ Rasii tańniej
Armienija moža pačać kuplać haz nie tolki ŭ Rasii, ale i ŭ Azierbajdžana, Irana ci Turcyi. Pra heta zajaviŭ sakratar Rady biaśpieki Armienii Alen Simanian, adkazvajučy na pytańnie pra mahčymy rost cen na rasijski haz.
Pavodle słoŭ armianskaha čynoŭnika, Jerevan nie choča prosta zamianić zaležnaść ad adnoj krainy zaležnaściu ad inšaj. Armienija maje namier šukać alternatyŭnyja krynicy i zachoŭvać bałans u pytańniach ekanamičnaj biaśpieki.
«My majem namier kuplać haz adusiul, adkul heta mahčyma. Kali Rasija budzie pastaŭlać nam haz — budziem kuplać u Rasii, kali budzie pastaŭlać Azierbajdžan — budziem kuplać u Azierbajdžana, kali Iran — u Irana. Kali źjavicca mahčymaść kuplać haz dzie-niebudź u Turcyi, budziem adnačasova kuplać i ŭ jaje. Chto skazaŭ, što treba vyjści z adnoj kišeni i skoknuć u druhuju?» — skazaŭ Simanian.
Na zaŭvahu, što rasijski haz abychodzicca Armienii tańniej, sakratar Rady biaśpieki zajaviŭ, što ŭ hetym vypadku paliva vykarystoŭvajecca jak «palityčnaja valuta». Jon pastaviŭ pad sumnieŭ toje, što košt hazu možna aceńvać tolki ŭ hrašach:
«A chto skazaŭ, što haz kaštuje tańniej? A chto skazaŭ, što košt hazu vymiarajecca tolki ŭ dalarach?»
Raniej premjer-ministr Armienii Nikoł Pašynian zajaviŭ, što Jerevan budzie šukać alternatyvu rasijskamu hazu niezaležna ad jaho koštu. Pavodle jaho słoŭ, heta źviazana z palityčnym rašeńniem Armienii raźvivać niezaležnaść i dziaržaŭnaść.
Ciapier čytajuć
U rasijskaj armii biełaruskaha najomnika paviesili na drevie ŭniz hałavoj i bili pałkaj pa hienitalijach22
Kamientary
nie čytaŭ , viedaju što Pašynian robić toje što i ja tut, aćjahvaje Radzimu ad ardy