Načalnik Hienštaba Polščy: Naša pakaleńnie budzie vajavać. Kab vyžyć, patrebnaja abaviazkovaja słužba
Načalnik Hienieralnaha štaba polskich uzbrojenych sił Viesłaŭ Kukuła zajaviŭ pra nieabchodnaść viartańnia da ŭsieahulnaj vajskovaj słužby i raskazaŭ, kolki sałdat budzie ŭ Polščy da kanca hoda. Pa acency hienierała, vajna z Rasijaj niepaźbiežnaja.
Padčas naviedvańnia Vajennaha ŭniviersiteta Suchaputnych vojskaŭ imia hienierała Tadevuša Kaściuški va Urocłavie načalnik Hienštaba Polščy Viesłaŭ Kukuła zajaviŭ, što, na jahonuju dumku, vajna z Rasijaj niepaźbiežnaja i što polskuju armiju dziela vyžyvańnia nacyi nieabchodna pašyryć i viarnuć u krainu ŭsieahulnuju abaviazkovuju vajskovuju słužbu (siońnia armija Polščy składajecca tolki z kantraktnikaŭ i dobraachvotnikaŭ), piša ahienctva Reuters.
«Usio śviedčyć pra toje, što mienavita naša pakaleńnie stanie na abaronu krainy sa zbrojaj u rukach. I ni ja, ci ni chto-niebudź z vas nie źbirajecca prajhrać hetuju vajnu.
My pieramožam, my vierniemsia i praciahniem budavać Polšču, ale niešta pavinna adbycca. My pavinny stvaryć uzbrojenyja siły, hatovyja da takich dziejańniaŭ. Patencyjał praciŭnika nastolki vialiki, što my pavinny stvaryć značna bolšuju armiju, a heta značyć, što my taksama pavinny iznoŭ uvieści madel ahulnaj vajskovaj słužby», — zajaviŭ hienierał Viesłaŭ Kukuła na sustrečy z kadetami i aficerami Vajennaha ŭniviersiteta Suchaputnych vojskaŭ imia Kaściuški.
Kab pieramahčy ŭ budučaj vajnie, polskija ŭłady taksama pavinny vyrašyć demahrafičny kryzis u krainie, bo jon zapavolvaje temp naboru piersanału ŭ armiju, miarkuje Kukuła.
Akramia taho, Polšča płanuje pavialičyć kolkaść armii da 207,5 tysiačy sałdat da kanca hoda, što zrobić jaje treciaj pa kolkaści armijaj u NATA paśla ZŠA i Turcyi, adznačaje Reuters.
Ciapier čytajuć
Litoviec Vitalijus Mockus zaniaŭ pasadu Stryžaka ŭ «Bajsole». Chto heta taki?10
Kamientary