Начальнік Генштаба Польшчы: Наша пакаленне будзе ваяваць. Каб выжыць, патрэбная абавязковая служба
Начальнік Генеральнага штаба польскіх узброеных сіл Веслаў Кукула заявіў пра неабходнасць вяртання да ўсеагульнай вайсковай службы і расказаў, колькі салдат будзе ў Польшчы да канца года. Па ацэнцы генерала, вайна з Расіяй непазбежная.
Падчас наведвання Ваеннага ўніверсітэта Сухапутных войскаў імя генерала Тадэвуша Касцюшкі ва Уроцлаве начальнік Генштаба Польшчы Веслаў Кукула заявіў, што, на ягоную думку, вайна з Расіяй непазбежная і што польскую армію дзеля выжывання нацыі неабходна пашырыць і вярнуць у краіну ўсеагульную абавязковую вайсковую службу (сёння армія Польшчы складаецца толькі з кантрактнікаў і добраахвотнікаў), піша агенцтва Reuters.
«Усё сведчыць пра тое, што менавіта наша пакаленне стане на абарону краіны са зброяй у руках. І ні я, ці ні хто-небудзь з вас не збіраецца прайграць гэтую вайну.
Мы пераможам, мы вернемся і працягнем будаваць Польшчу, але нешта павінна адбыцца. Мы павінны стварыць узброеныя сілы, гатовыя да такіх дзеянняў. Патэнцыял праціўніка настолькі вялікі, што мы павінны стварыць значна большую армію, а гэта значыць, што мы таксама павінны ізноў увесці мадэль агульнай вайсковай службы», — заявіў генерал Веслаў Кукула на сустрэчы з кадэтамі і афіцэрамі Ваеннага ўніверсітэта Сухапутных войскаў імя Касцюшкі.
Каб перамагчы ў будучай вайне, польскія ўлады таксама павінны вырашыць дэмаграфічны крызіс у краіне, бо ён запавольвае тэмп набору персаналу ў армію, мяркуе Кукула.
Акрамя таго, Польшча плануе павялічыць колькасць арміі да 207,5 тысячы салдат да канца года, што зробіць яе трэцяй па колькасці арміяй у НАТА пасля ЗША і Турцыі, адзначае Reuters.
Цяпер чытаюць
Што Бабарыка і Калеснікава адказалі на пытанні пра вайну89
Каментары